عميلة البنك الاهلى المصرى تشكو: "سيء وأسلوب الموظفين صعب"

اشتكت عميلة البنك الاهلى المصرى من سوء الخدمات المقدمة، لاسيما أسلوب الموظفين في التعامل مع عملاء البنك الاهلى المصرى بالإضافة إلى الزحام على الفروع المختلفة، وينشر تحيا مصر كافة التفاصيل عن الشكوى المقدمة، ومقارنة العميلة بين المصرف والبنوك الأخرى.

عميل البنك الاهلى المصرى يشكو: "حطيت 200 ألف جيت أسحبهم رفضوا"

بركات: باتشيكو صنع الفارق مع بيراميدز.. وهذا سر تعثر البنك الأهلي

 عملاء البنك الاهلى المصرى

قالت عميلة البنك الاهلى المصرى في منشور عبر موقع "فيسبوك"،: "بجد ياجماعة البنك الاهلى المصرى لازم فعلا يتقفل".

وأضافت: "أولا بنك سيء وأسلوبهم مش أحسن حاجة مقارنة بسيطة بنك الـ cib  خلصت كل اللي عاوزاه في ١٠ دقايق".

واستكملت: "وواقفه كده ماسكة موبايلي لقيت موظفة في البنك جايه تقولي اي خدمه اقدمهالك يافندم وأنا مش محتاجة أي حاجة تعامل بمنتهي الرقي".

البنك الاهلى المصرى

وعلقت: "خلصت ورحت البنك الاهلى حاطين حاجز حديد بسلسله قدام البوابه والناس واقفه أعداد مهولة و٣ موظفين عمالين يشخطوا ويزعقوا فالناس كانهم جايين يشحتوا مع أن لولا الناس دي الموظف دا مش هيشتغل ولا يلاقي راتب، معاملة سيئة موظفين مكشرين محدش بيبتسم لحد ولاحد بيرد عـَـلى حد".

واستطردت: "تدخلوا البنك مّـــــنْ ‎هنـــا تحسوا انكم ‎فـــ مولد وتايهين مش فاهمة إيــــه البنك دا، والناس ازاي تسمح بالإهانة دي وخصوصا ناس كبير فى السن، ناس غلابة ممكن ولادهم بيبعتوا لهم شهريات يعيشوا بيها ويصرفوا، ناس لبسها بسيط جدا".

واختتمت: "أما الموظفين اللي عالتلر ورا الشباك بصراحة مهذبين نفسي البنك يعمل دوره تدريبيه للأمن اللي على البوابة دوره فن التعامل مع الجمهور، ميزعقوش ويشخطوا فالناس بالفظاظة دي، وحاجزينهم بره البنك بسلاسل حديد، أنا فعلا بفكر جديا اقفل حسابي فى البنك دا".