منى فاروق لـ تحيا مصر: أنا ضد التعصب الكروي.. والفن والرياضة شغلهم متعب جدًا

وجهت الفنانة منى فاروق رسالة لكل الأشخاص الذين يعتقدون أن الفنانين ولاعيبة الرياضية حياتهم سهلة ومريحة، وذلك خلال حوارها اليوم في موقع تحيا مصر.

تحيا مصر يكشف تصريحات منى فاروق

حيث قالت منى فاروق لـ تحيا مصر: “بقول للناس اللي بتقول إن الفنانيين ولاعيبة الرياضة مرتاحين والدنيا معاهم لذيذة دا مش حقيقي، الفن والرياضة شغلانة زي أي شغلانة.. شغلانة متعبة جدًا”.

وتابعت: “أنا بشوف إن لعيب الكورة بيتمرن كل يوم وعدد ساعات كتير وبيتحرم من القعدة من أهله وأصحابه من وجهة نظري.. وعموما أي شغلانة فيها التزام”.

تصريحات منى فاروق لـ موقع تحيا مصر

وأضافت: “ويمكن احنا اه مشهورين ودي حاجة حلوة واللي بيلعب كويس ربنا بيكرمه بحاجات كتير بس بيبقى فيه متاعب وممكن يجيله إصابة تقعده فترة في البيت وفيه حاجات كتير صعبة”.

أما عن رأيها في التعصب الكروي قالت منى فاروق: “أخويا زملكاوي متعصب، وبقول للمتعصبين رياضيًا خلوا عندكم روح رياضية.. أنا مش بقول أنا زملكاوية ولا أهلاوية عشان محدش يزعل مني بس من جوايا بفرح لو الفريق اللي بشجعه كسب”.

منى فاروق توجه رسالة لجمهورها

وفي وقت سابق، وجهت منى فاروق رسالة لـ متابيعها قالت فيه: كنت واخدة إجازة من السوشيال ميديا الفترة اللي فاتت لاني كتت مخنوقة، وكنت ناوية أقفل الاكونت بس لقيت ناس كتير بتحبني وفي ناس كتير بيضيقوني لدرجة اني مش ببقى عايزة السوشيال ميديا تاني بس انا قاعدة على قلبكم.. وملكوش دعوة بحياتي خليكوا في حالكم عشان أنا مبخافش بخاف من ربنا بس.

منى فاروق تؤدي مناسك العمرة 

على الصعيد الآخر، أدت الفنانة الشابة مني فاروق، مناسك العمرة بالمسجد الحرام فى مكة المكرمة، حيث ظهرت مرتدية الحجاب وملابس الإحرام البيضاء.
ونشرت منى، عبر حسابها على إنستجرام، لقطات من تواجدها أمام الكعبة المشرفة فى المسجد الحرام، وهى تدعى وتناجى الله بكل خشوع، وتفاعل مع الصور عدد من جمهورها ومتابعيها.

وفيما انتقد بعض المتابعين مقطع الفيديو، واعتبر أن ذلك البكاء والتضرع يتناقض مع صور وأدوار الفنانة المصرية الجريئة، فإن زميلتها بدرية طلبة، انبرت للدفاع عن زميلتها، وردت على متابع قائلة: "ممكن تقول لها ربنا يتقبل لكن اللي زيك الحقد عامي عينه".