خاص| منى فاروق: متحمسة لمباراة القمة النهاردة.. وأتوقع الأهلي يكسب

كشفت الفنانة منى فاروق عن حماسها لمباراة القمة اليوم بين نادي الأهلي ونادي الزمالك، كما توقعت نتيجة المباراة من وجهة نظرها.

تحيا مصر يكشف تصريحات منى فاروق عن مباراة القمة اليوم

حيث قالت منى فاروق في تصريحات خاصة لـ تحيا مصر: “أنا متحمسة جدا يارب الفريقين يلعبوا كويس جدا وفي الأخر أحنا عندنا جمهور كبير في نادي الزمالك وجمهور كبير في النادي الأهلي وأتمنى التوفيق للناديين”.

وتابعت: “أنا مصرية وبشجع مصر ومش عايزة أقول أنا أهلاوية ولا زملكاوية.. وبشوف المكان اللي صحابي هيتجمعوا فيه عشان نروح نتفرج مع بعض، متوقعة 2-1 للأهلي عشان الأهلي الفترة اللي فاتت كان بيلعب حلو ”.

لاعيبة الرياضة المفضلون لمنى فاروق

كما كشفت “فاروق” عن أسماء اللاعيبة التي تفضلهم في الأهلي والزمالك،  حيث قالت لـ تحيا مصر: “ممكن في الأهلي كهربا يجيب أهداف عشان كان بيلعب حلو أوي الماتش اللي فات، بحب من لعيبة الأهلي كهربا، أفشة، شريف، الشناوي، وفي الزمالك بحب شيكابالا، وزيزو وهشام عاشور”.

منى فاروق في المستشفى 

وسبق، وأن أعلنت منى فاروق عن مرورها بوعكة صحية شديدة عبر حسابها الرسمي بموقع تبادل الصور والفيديوهات انستجرام، اذ نشرت صورة للمحاليل المارة بيديها وعلقت عليها: اللهم اني راضية بكل ابتلاء، وألم.. اللهم اجعله رفع درجات إلى فردوسك الأعلى”، دون الكشف عن تفاصيل مرضها.

وكانت أخر أزمات منى فاروق مع الجمهور، هي انتقاداها بسبب ملابسها المثيرة للجدل، لكنها خرجت وردت على هذا الجدل، فقالت: أنا بنت بتتكلموا في عرضي ليه؟ خافوا ربنا.. ما كل البنات بتلبس فساتين صيفي عادي .. يعني أنا حرة ليه نازلين فيا جلد ده ربنا بيسامح وبيغفر لعباده الذنوب، انتوا مزعجين جدا .. بس أنا ولا فارق معايا كلامكم أنا بعامل ربنا مش بعامل البشر .. بجد حسبي الله ونعم الوكيل في كل الناس اللي بتكتب عني بالكذب،  أنا في الأول والأخير بنت بتتكلموا في عرضي ليه ؟؟ خافوا ربنا شوية.. ربنا موجود وهيعوضني خير .. وأنا في حماية ربنا.