سهير رمزي: فيلم المذنبون كان السبب في طلاقي ومتجوزتش حلمي بكر عشان اتشهر

تحدثت الفنانة سهير رمزي عن زواجها من الفنان حلمي بكر، كما تحدثت عن فيلم المذنبون وكواليس العمل.

تحيا مصر يرصد لكم تصريحات الفنانة سهير رمزي

وقالت سهير رمزي خلال استضافتها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: متجوزتش حلمي بكر عشان اتشهر لأنه كان لسه في بدايته ومكنش هيساعدني في أي حاجة.

سهير رمزي: فيلم المذنبون من علامات السينما وعملته وأنا مقتنعة بيه

كما تحدثت عن فيلم المذنبون وقالت سهير رمزي:  كنت بعمل فيلم المذنبون وأنا فرحانة جدًا ومقتنعة بيه وهو من علامات السينما رغم أني كنت جريئة في بعض المشاهد.

وتابعت: مكنتش محتاجه حد يقنعني بالعمل لأنه كان عمل مهم بالنسبالي وجريت عملته وكان قصة نجيب محفوظ والموضوع كان بيناقش قضيه مهمة في البلد.

وتحدثت سهير رمزي عن مسلسل القاتل الذي أحبني وقالت:المنصة ظلمت مسلسل القاتل الذي أحبني وكنت خايفه منه لكن هو كان عمل جميل جدا وعملنا شغل فيه حلو جدا .

وكشفت سهير رمزي: مش بحب أتفرج على نفسي في الأفلام ويبقى مش طايقه نفسي وانا بتفرج عليا

سهير رمزي: فيلم المذنبون كان السبب في طلاقي

كما كشفت سهير رمزي أن فيلم المذنبون كان السبب في انفصالها عن زوجها وقالت:  فيلم المذنبون كان السبب في طلاقي وجوزي قالي لو عملته هننفصل وأنا وافقت أطلق وكنت عنيدة جدا.

سهير رمزي عن رفض بعض الفنانات التلامس: دي وجهات نظر وكل واحد حر في رأيه

كما تحدثت سهير رمزي عن بعض الفنانات اللذين يرفضوا التلامس في المشاهد وقالت: كل المهن فيها الحلو والوحش واحنا علينا الضوء والناس بتقول هتبقى عرضه السوشيال ميديا والجرايد  ودي وجهات نظر وكل واحد حر.

كما تحدثت سهير رمزي عن انفصال والديها في الصغر وقالت: مجاليش عقده من انفصال والدي ووالدتي لأن أمي كانت تم وأب واخ وأخت ومحسستنيش بده خالص و  محزنتيش في حياتي على اي حاجة غير على أمي.

وتحدثت سهير رمزي عن عدم إنجابها أبناء وقالت: كنت أنانية لما مخلفتش واخترت النجومية والشهرة واسم سهير رمزي واخترت اسمي اكتر من أن يبقى عندي طفل وزعلانة جدا اني عملت كده و مخلفتش ومجبتش انسان يقف جنبي في السن ده.