المطربة هدى: اتعرضت لأزمات مادية ويجي عليا أيام ألغي دروس بنتي لأني ممعييش مليم

حلت المطربة هدى ضيفة على برنامج “كلام الناس”، الذي تقدمه الإعلامية ياسمين عز على شاشة قناة mbc مصر، وذلك بعد غياب دام طويلا عن ظهورها على الساحة.

تحيا مصر يرصد في ذلك التقرير تصريحات المطربة هدى في برنامج كلام الناس

سبب غياب المطربة هدى عن الساحة الفنية

تحدث هدى عن سبب غيابها عن الساحة الفنية، فقالت: الظروف بتاعة كورونا واني بشتغل وبنتج لنفسي فمش دايما الحياة حلوة، مختفية عشان كنت مقلة جدا في السوشيال ميديا.

وتطرقت هدى بالحديث عن أغنيتها التي تألقت بيها والتي أتت بعنوان “بين نارين”: أول ألبوم خلصته وبنعمل أول البوم في الألبوم التاني فسمعت الأغنية دي من غير مزيكا وعجبتني جدا ومكنوش راضيين يدولهالي وبعدها خدتها وكانت وش السعد عليه.

المطربة هدى: بصرف على الأغاني من جيبي وعمري ما مضيت مع حد احتكار

وتابعت المطربة هدى حديثها: عمري ما وقفت أمضي مع حد احتكار أما بتصرفي على نفسك وشغلك بيبقى أفضل، وطول الوقت بصرف على الأغنية من جيبي.

وعن حالتها المادية فقالت: مستورة ومش كل شوية بشتري بيت.

المطربة هدى: اتعرضت لـ أزمات مادية ومكنش معايا مليم في البيت

وتابعت: اتعرضت لأزمات مادية ومن الوقت للتاني بيكون في دروبات عندي مانا زي الناس وبيكون عندي مسؤوليات تانية وعندي بنتي وحاجات مسؤولة في رقبتي فلو فيه شوية فلوس بنكون بردو بين نارين مش هعمل أغنية هدفع فلوس المدرسة، عشان انت مقلة بيصبرك شوية، وبيجي عليا أيام ألغي درس بنتي عشان المصاريف وميكونش معايا مليم في البيت.

ونفت هدى تعرضها للشائعات، فقالت: عمري ما طلع عليا إشاعة غير انهم يشبهوني بـ حكيم البنات، وجه على بالي كتير ان أعمل ديو مع حكيم لكن عمر ما كان بجدية.

مشادات بين هدى وياسمين عز عن علاقة الرجل بالمرأة

وتحدث المطربة هدى عن علاقة الرجل بالمرأة فقالت: الحياة مشاركة لكن مينفعش هي تبقى شايلة الكافة الأكبر وتساعده لو هو شايلها وسند ليها، الناس كلها دكرة بس مين بقى راجل!.. الأفعال اللي هتبين.

واستكملت: قفلة الباب مش سلهة ولما النفوس بتشيل بيبان كل حاجة، ممكن راجل بلا شيء بيبقى شايلك ومش بحسسك بحاجة لكن غلبية الرجالة عايزة تاكل وتشرب والستات هي اللي تصرف عليها.

لترد عليها ياسمين عز قائلة: دي اشاعات عايزين يسيئو لسمعة الراجل، إحنا منعرفش قيمة الحاجة الا اما تروح مننا، لتبادرها هدى، قائلة: انتي منحنحة.