سهير رمزي: كنت هسم أمي.. اديتها مادة سامة بدل الدوا

كشفت الفنانة سهير رمزي بأنها كانت ستتسبب في وفاة والدتها، كما تحدثت عن علاقاتها بزملائها من الوسط الفني.

تحيا مصر يرصد لكم تصريحات سهير رمزي

وقالت سهير رمزي خلال لقائها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس أنها ضد مقولة فن السبوبه، موضحة أنها لا تشاهد أفلام خلال الفترة الأخيرة.

وقالت سهير رمزي: آخر فيلم اتفرجت عليه هو فيلم الكنز 1 ومش بتفرج غير على الأفلام القديمة لأن بيبقى فيها شغل وفن حقيقي.

وكشفت سهير رمزي: كان بيوصلي أن في نجمات من جيلي بتحاربني وتنفسن مني ومكنش بيفرق معايا ومش بهتم أعرف.

وتابعت: مكنش في منافسة بيني وبين نجلاء فتحي وميرفت أمين لأن كل واحدة مختلفة عن التانية، وكان كل حد فينا ليه شكل ولون مختلف.

سهير رمزي: نجلاء فتحي بنبونايه وملهاش منافس

واضافت: نجلاء بنبونايه وملهاش منافس، وميرفت امين فنانة جميله جدا وانا شكل تاني غيرهم وهما قمرات بس أنا كان ليا ملامحي وشكلي وأدور غيرهم

واستكملت: شكلي مش غلبانه وبريئه وشكلي قوية وجامدة والمخرجين بيصنفوني كده.

سهير رمزي تكشف عن أعماله الفنية المقبلة

وكشفت سهير رمزي أنها تحضر لعمل فني جديد يحمل اسم أم البنات موضحة: هعمل مسلسل جديد اسمه أم البنات وشكل جديد وهطلع معمله وعندي ٥ بنات وهنحاول أنه ينزل في رمضان لو لحقنا ومعايا في المسلسل هاجر الشرنوبي و منه عرفه وسلين ومعايا ممثلين كتير.

سهير رمزي: عمر الشريف كان فتى أحلامي 

كما تطرقت سهير بالحديث عن الفنان الراحل عمر الشريف وشائعة زواجهم وقالت:  كان فتى احلامي عمر الشريف ولما جه مصر وانا كنت نجمه اتفرج على فيلم عليا قال عايز يقعد معايا وعملتله عشان في البيت عندي وكان أول مرة ينزل مصر والناس قالت دي جواز أو خطوبة.

سهير رمزي: كنت هسمم أمي بالغلط واديتها مادة سامة بدل الدوا

وكشفت سهير رمزي عن واقعة تسميم والدتها وقالت: أمي تعبت في يوم وروحت اجبلها دوا مغص من عندي واتلغبطت بينه وبين مادة لتنضيف الفيديوهات وهي مادة سامة وكانت هتموت بسببي

وكشفت سهير بأنها افتقدت معنى الحياة من بعد وفاة والدتها وكشفت عن نصائح ودعاء والدتها لها قولت:أمي كانت بتقولي روحي ربنا يحبب فيكي خلقه

واستكملت: فيا عيب أن اللي في قلبي بقوله على طول وكانت أمي تقولي داري على شمعتك ومينفعش تقولي اي حاجه لأي حد وكنت بسمع النصيحة ومش بعمل بيها.