سهير رمزي: كنت مقتنعة بالمشاهد الجريئة اللي بعملها وبزعل لما بشوف صوري بالحجاب

تحدثت الفنانة سهير رمزي عن ارتدتها للحجاب واعتزالها التمثيل، كما تحدثت عن المشاهد الجريئة التي قامت بها في بعض أعمالها.
تحيا مصر يرصد لكم تصريحات سهير رمزي

سهير رمزي: بزعل لما بشوف صوري بالحجاب

وقالت سهير رمزي خلال استضافتها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: بزعل لما بشوف شكلي زمان بالحجاب عشان كنت بلبس ألوان كتير وطرح فوق بعض كتير، ومش بضايق لما بيقولوا إني لبست الحجاب عشان موضة.

وكشفت سهير رمزي بأنها لم تجبر على اي عمل فني من قبل موضحة: مفيش حد يجبرني على حاجه ولو في رأي ممكن أسمعه بس مفيش حد أجبرني على عمل معين.

سهير رمزي: أنا نجمة ومش محتاجة ابروز أسمي 

وكشفت سهير رمزي عن اتهام فنانة لها بالخيانة لأن زوجها قام بإنتاج فيلمين لها وقالت: أنا لما هشتغل مع منتج مش هسأله انت متجوز ولا مطلق ودي حاجه تخصه وبمضي العقد ولو هي زوجه وهو جه يتكلم معايا مفيش مشكله انا نجمه وهو بيبيع باسمي.

وتابعت: أنا سهير نجمة وبشتغل من قبل ما هي ما تشتغل وهو خد اسمي عشان يشتغل بيه.

وكشفت سهير رمزي أنها كانت متعاقدة على فيلم ومسرحية ومسلسل قبل اعتزالها الفن ولكن قررت أن تترك هذه الأعمال واعتزل التمثيل.

وعن شائعات اعتزالها التمثيل لعدد كبير من المرات: أنا اعتزلت التمثيل مرة واحدة بس في حياتي وكل اللي بيطلع شائعات.

سهير رمزي: كنت بعمل المشاهد الجريئة وأنا مقتنعة بيها ومكنتش بتبقى جريئة أوي

وكشفت سهير رمزي أنها كانت تقدم المشاهد الجريئة وهي مقتنعة بها وقالت: كنت بعمل المشاهد الجريئة وأنا مقتنعة بيها ومكنتش بتبقى جريئة أوي.

وتابعت: أنا كنت جريئة في بعض المشاهد ولكن في سياق الدراما وكنت بعمل حاجات عادية ومكنتش بخترع حاجات شاذة

واستكملت:  لو جاتلي فرصة أمسح مشاهدي الجريئة مش هعمل كده لأنه تاريخي ومينفعش امحي تاريخي.

وكشفت سهير رمزي بأنها تتمنى أن يتواصل معها أخواتها، بعد أن انفصلوا وقالت:علاقتي انا وأخواتي اتقطعت بعد ميراث أبويا ونفسي يتواصلوا معايا ويكلموني لأن الدنيا متستاهلش.