أحمد سعد: مش بشوف حد أكبر أو أعلى مني وعليا كلمة حاضر بترن البيت

حل المطرب أحمد سعد ضيف على برنامج “هذا مكانك”، والذي كشف خلاله عدد من التصريحات الجريئة والمختلفة عن زوجته من ناحية وعن محمد رمضان من ناحية أخرى.

تحيا مصر يرصد في ذلك التقرير تصريحات المطرب أحمد سعد في برنامج هذا مكانك

أحمد سعد: محمد رمضان مش بيقول لحد أنا نمبر وان وملهوش علاقة بأغنية وسع وسع

تحدث أحمد سعد على لقب نمبر وان الذي أطلقه الفنان محمد رمضان على نفسه، فقال: مش بيقول لحد معين ده أسلوب في الأغنية انك تقول إن مفيش زيي، لكن هو مش بيقول كدة في الحياة العادية.

وعن حقيقة توجيه أغنيته “وسع وسع” للرد على محمد رمضان، قال أحمد سعد: الناس بتحب تعمل أكشن لكن ده مش حقيقي لأن أنا مش شايف حد نمبر وان أكبر مني أو أعلى مني مفيش حد فوق وأنا تحت، أنا موهوب في حتة والتاني موهوب في حتة تانية.

أحمد سعد: دعوة أمي وزوجتي هما وش السعد عليا

وتطرق محمد رمضان بحديثه عن سبب تألقه ونجاحه في العام الماضي، فقال: أمي دعتلي وزوجتي وشها حلو عليا جدا متدخلة في كل شيء في حياتي وكان معاها قدم السعد، بتحبني أطلع بشكل معين ودايما مركزة معايا.

وأضاف: طريقة النصيحة بتكون غريبة جدا لأن أنا مش بحب النقد أوي، وهي دايما بتنتقدني وتقولي مش المفروض تعمل وأنا بطلع مببرات إن اللي عملته هو الصح لكن بعد كدة بعرف انها عندها حق.. أنا عليا حاضر في البيت ترن البيت أوقى حاضر ممكن تسمعها.

أحمد سعد: مدخلتش ثانوية عامة

وفاجأ أحمد سعد الجمهور بـ عدم دخوله الثانوية العامة، فقال: أنا ما دخلتش ثانوية عامة، لأن التقديم في  معهد موسيقى عربية، بيكون بعد الإعدادية ولمدة 7 سنين، وهو في فنان يفهم في الكيميا والفيزيا.. دي حاجات صعبة على مستوى تفكير فنان.

وسبق، وأن كشف أحمد سعد عن سر نجاحه، فقال في تصريحات تليفزيونية: بقيت اختار أغاني سهلة وأغنيها حلو، أغاني قريبة للناس، ومن الذوق ويقدر يغنيها أي حد، زي أغنية وسع وسع، وبقيت أقابل أطفال صغيرين بيغنوها، ودا كان لاني مرتاح في البيت والظروف مناسبة لشغلي والحاجات اللي بقدمها، وبعدين خلفت بقى واللي حصل ده كله رزقها، وهي الطفرة في حياتي كلها.