بعد المشاجرات والقضايا.. سعد الصغير لـ برلنتي عامر: انت حياتي وعمري وتعملي اللي انت عايزاه

خرج المطرب سعد الصغير لـ يعلن عن عودته للراقصة برلنتي عامر وذلك بعد عدد من المشاجرات والقضايا والاتهامات المسيئة من الثنائي ضد بعضهم البعض على مواقع التواصل الإجتماعي المختلفة.

تحيا مصر يرصد في ذلك التقرير رسالة سعد الصغير لـ برلنتي عامر بعد عودتهما 

حقيقة سرقة والدة برلنتي لـ أموال سعد الصغير

كشف سعد الصغير حقيقة سرقة والدة زجته برلنتي لـ أمواله، فقال: داخلين على أيام مباركة وفي رمضان، الحاجة أم برلنتي فتحت الباب وقعدت 5 دقايق، مفيش حد يفتح عربية في دقيقتين ويسرق فلوس، أنا علشان خاطر ربنا ميدخلنيش النار، ولو خدت الفلوس حقها، بس عمرها ما طلبت مني فلوس، أم مراتي تاخد اللي هي عايزاه.

سعد الصغير: متجوز برلنتي عرفي بس متسجل

وأكد سعد الصغير خلال الفيديو البث المباشر، التي نشرته زوجته برلنتي عامر عبر حسابه الرسمي بموقع التواصل الإجتماعي “فيسبوك”: متجوز برلنتي عرفي متسجلة في الشهر العقاري وده مش حرام.. انتي ليكي حق عليا وانتي حياتي وعمري وبتكلم وانا في كامل قوايا العقلية وانتي مراتي تاخدي مني الفلوس اللي عايزاها وتعملي اللي انت عايزاه.

برلنتي عامر وخطوبتها

جدير بالذكر، أنه سبق وأن نشرت برلنتي فيديو لها عبر حسابها بموقع التواصل الاجتماعي فيسبوك وهي برفقة أحد الاشخاص من السيارة وكتبت: يا ريت نفهم كل الهري دة على ايه علشان أتخطبت وأنا قولت قدام الناس كلها في البرنامج ان هتخطب في العلن قدام كل الناس بس أنا هعرف أزاي أخد حقي وهو عارف هو عمل ايه بس تمام.

وفجرت برلنتي عامر خلال خلافها مع سعد الصغير عدد من المفاجأت من بينها عودة سعد الصغير لـ طليقته الأولى الراقصة شمس، فكتب عبر حسابها الرسمي بموقع “فيسبوك”: سعد رجع لشمس الرقاصة ولسة راجع من عندها من تركيا يوم ما سافر تونس وانا شخصيا فرحت علشان يبعد عني بالمصايب بتاعته دي، نا يبعدك لحد كدة بس لسة هنكمل في الجزء التاني البيت بقي والعيال وكدة يعني وهسيب الموضوع كلة ليكم ولسة مكاملين إنهاردة كفاية كدة فاصل ونواصل.