عمرو مصطفى يشوق متابعيه لأحدث أغانيه "عايشين بالصورة".. تعرف على كلماتها

طرح المطرب عمرو مصطفى برومو أحدث أعماله الغنائية، والذي جاء بعنوان “عايشين بالصورة” وذلك عبر حسابه الرسمي بانستجرام ليشوق المتابعين بها.

تحيا مصر يرصد لكم تفاصيل أحدث أغاني عمرو مصطفى عايشين بالصورة وذلك خلال السطور القادمة 

عمرو مصطفى وأحدث أغانيه 

ونشر عمرو مصطفى مقطع من الأغنية، والتي تقول بعض كلماتها: كان ايام من كان جواك مكان بدارى فيه فين شوف كنا فين ووصلنا فين تنساني ليه، كان ايه خلانا نمشي وننسانا عايشيت بالصورة والروح مكسورة بنموت جوانا.

وجاءت التعليقات على المقطع: متتأخرش علينا في التنزيل يا فنان، نزلها بسرعة يا عمرو، بنحبك يا عالمي، وغيرها من التعليقات.

أبرز تصريحات عمرو مصطفى الأخيرة

وكان قد فجر الفنان عمرو مصطفى عدد من التصريحات النارية خلال حلوله ضيفًا على برنامج مشاهير الحرة، ومنها:

• بدي الأغنية للمطرب بينزلها 50%.
• محمد منير دا البابا بتاعنا، دا حالة لوحده.
• أشعر بالندم ولن أعطي ألحاني لأي فنان.
• بحب أغاني أحمد سعد شاطر برافو عليه، ولازم يفكر عمل إيه في حياته عشان يتغير.. علاقته بربنا إيه والدته أسرته كدا.
• لما جت لهم الفرصة يحاولوا ينافسوا عمرو مصطفى فقلت عمرو اللي هيطلع وهعلمكم الأدب.
• ـالوسط الفني طلع لهم شوية أطفال علموهم الأدب، اللي مشي وراهم خسر، واللي احترم نفسه وقعد وذاكر هو اللي كسب.
• فنيا أنا أسهل واحد ممكن تتعامل معاه، وأصعب واحد تتعاملي معاه لو حاولت تبقى ذكي
• تريند في رمضان كان رسالة من ربنا أنت يا عمرو اطلع.
• هعمل حفلة واحدة في السنة.
• الناس مبقيتش قادرة تسمع 3 دقايق في الأغاني ويصعب عليا حد يسمع أغنية وفي النص يقفلها.
• ظلمت نفسي إني مغنتش من زمان ومفيش أغنية نزلتها منجحتش.
• كنت بتعاطف جدًا مع زمايلي وقررت مش هتعاطف تاني.
• ـكل الألحان اللي قدمتها ندمان عليها كنت عايز أغنيها لنفسي وبشرة خير كنت عايز أغنيها.
• مش هدي أغاني لحد تاني لو دفعولي مال الدنيا.
• هعمل أغاني لبنات ولـ عمرو مصطفى بس.
• محتاج أسيب تاريخ لولادي وأحفادي تاريخ موسيقي راقي.