منى فاروق: مش هقبل مشاهد خارجه حتى لو بمليون جنيه والممثل بيتبهدل وبيتعب جدًا

كشفت الفنانة منى فاروق سبب رفضها تقديم مشاهد جريئة، على الرغم من المقابل المادي الكبير الذي يعرض عليها.

تحيا مصر يرصد لكم سبب رفض منى فاروق تقديم مشاهد جريئة

وقالت منى فاروق في احدى التصريحات التلفزيونية أنهال تقبل تقديم إي مشاهد جريئه مهما عرض عليها من مبالغ ماليه كبيرة وكشفت:عمري ما عملت مشاهد خارجة ومش هقبلها في مستقبلي الفني حتى لو بمليون جنيه.

وتابعت منى: لو اتعرض عليا ملايين عشان اعمل مشهد خارج برضو مش هوافق لان شغلي محترم، انا لما بقيت ممثلة كنت بإحترامي فالعمل الفني وعاوزه الناس تفضل شايفاني كدة.

واستكملت: لو اتحطيت في موقف اني لازم اقرب من مخرج او منتج عشان اخد دور حلو مش هعمله.

منى فاروق: لو عندي بنت مش هخليها تمثل

وكشفت منى فاروق بأنها اذا كانت لديه ابنة كانت ستمنعها من دخول مجال التمثيل موضحه: لو عندي بنت مش هخليها تمثل او تخش في التمثيل بشكل كامل.

منى فاروق: الممثل بيتبهدل وبتبقى نفسيته تحت الصفر

وأوضحت: الممثل بيتعب اوي وبيتبهدل جدا ونفسيته بتبقى تحت الصفر طول ماهو بيمثل

واستكملت منى: انا مش قدوة لأي حد عشان انصح الناس والبنات بس بقول لأي حد خلوا بالكم من نفسكم.

منى فاروق: انا كنت في إبتلاء من ربنا

وكشفت منى: انا كنت في ابتلاء مش ازمة .. هي حاجة اتعلمت منها كتير اوي والحمد الله على كل شئ.

ازمة منى فاروق مع جمهورها 

وكانت أخر أزمات منى فاروق مع الجمهور، هي انتقاداها بسبب ملابسها المثيرة للجدل، لكنها خرجت وردت على هذا الجدل.

 فقالت: أنا بنت بتتكلموا في عرضي ليه؟ خافوا ربنا.. ما كل البنات بتلبس فساتين صيفي عادي .. يعني أنا حرة ليه نازلين فيا جلد ده ربنا بيسامح وبيغفرلعباده الذنوب، انتوا مزعجين جدا .. بس أنا ولا فارق معايا كلامكم أنا بعامل ربنا مش بعامل البشر .. بجد حسبي الله ونعم الوكيل في كلالناس اللي بتكتب عني بالكذب،  أنا في الأول والأخير بنت بتتكلموا في عرضي ليه ؟؟ خافوا ربنا شوية.. ربنا موجود وهيعوضني خير .. وأنا في حماية ربنا.