عميل البنك العربى الافريقى يشكو: "المراجيح فيها نظام عنكم"

اشتكى عميل البنك العربى الافريقى من سوء الخدمات المقدمة مشيرًا إلى فقد النظام من قبل موظفين البنك العربى الافريقى الدولى ويقدم تحيا مصر كافة التفاصيل عن الشكوى المطروحة حول  خدمات البنك العربى الافريقى.

النائب أيمن محسب: توجيهات الرئيس برفع سعر توريد إردب القمح خطوة صائبة لدعم قطاع الزراعة والفلاح المصرى

عميل البنك العربى الافريقى يشكو: "بنك لا يحترم عملائه"

البنك العربى الافريقى 

قال عميل البنك العربى الافريقى في تعليق عبر صفحة المصرف الرسمية عبر موقع "فيسبوك"،: "البنك العربى الافريقى الدولي مراجيح مولد النبي فيها نظام عنهم Arab African International Bank".

 وأضاف: "المشكلة بدأت من أكتوبر 2022 طلبت عمل تخفيض لقيمة كارت المشتريات اللي واخدة بضمان وديعة عشان اخفض قيمة الوديعة واسحب الباقي عملت طلب في فرع الهرم وفضل الطلب عند الموظفة شهرين رغم تأكيدها ان الموضوع هايتنفذ اتوماتيك ومش محتاج اي متابعة مني  ولم يتم الرد عليا وبعد الشهرين روحت أسال ليه ما تمش تخفيض قيمة الكارت اتقالي أن الطلب اترفض طب محدش كلمني خلال الشهرين ليه ؟ مفيش رد طب ايه السبب ؟؟!!! برضو مفيش رد".

عملاء البنك العربى الافريقى 

واستكمل: "طب الحل ؟!! تقفل خالص الكارت اللي معاك وتقدم علي كارت جديد و الوديعة هاتفك في خلال شهر واحد بس وتدخل حسابك والكارت هايطلع خلال أسبوع وتعمل بس وديعه جديدة بالمبلغ اللي أنت عاوزه يكون ضمان للكارت الجديد".

وتابع: "طب مفيش مشكلة هاجي تاني يوم واجيب قيمة الوديعه لاني شغلي كله مرتبط بالشراء من خلال الكارت فكان لازم أعمل وديعة في أسرع وقت عشان يتم إصدار كارت جديد امشي بيه شغلي.. اتفضل خد اجراءاتك لقفل الكارت ده عشان اخد قيمة وديعته في خلال شهر علي كلامه".

وأضاف: "خدنا الاجراءات وقدمت الطلب يوم 27 /11 /2022 على ققل الكارت وطلب فك الوديعة اللي الكارت معمول بيها وتاني يوم ابقي ارجع اجيب المبلغ الجديد لعمل وديعة جديدة يصدر على أساسها كارت جديد بالقيمة الاقل اللي أنا عاوزها".

وعلق: "في نفس اليوم خدمة عملاء البنك كلموني يسألوني عن أسبابي لقفل الكارت وشرحتلهم فقالوا ليك عرض اننا نخفضلك قيمة الكارت للنص وبدون ضمان ومش محتاج تعمل وديعه أصلا".

وقال: "طبعا استغربت لكني روحت البنك تاني يوم وسألت واتقالي إنه اه فيه النوع ده ومفيش مشكلة روحت مقدم علي الكارت فعلا اللي بدون ضمان ده يوم 28 /11 /2022 حتي تاريخه بقي ولا استلمت الكارت الجديد اللي كل شغلي واقف حرفيا بسببه ولا الوديعه بتاعة الكارت القديم اتفكت اللي بسبب تأخيره كانت فيه حاجه بشتريها وقفت لمجرد إني فلوسي مش موجوده معايا وهيا اصلا موجودة في البنك وطبعا الكارت القديم وقف من ساعتها".

وأضاف: "كلمت خدمة العملاء اكتر من مرة من يوم 29 /12 /2022 كل الكلام أن الوديعة هاتتفك في أقرب وقت وأن لو عاوز الكارت تروح تسأل في الفرع أروح الفرع يقولي مجاش الكارت عملتلك طلب استعجال كل أسبوع على كده نفسي افهم أنتم بتشحتوني فلوسي".

واختتم: "دي فلوسي مش قرض ولا حسنه وحساب جاري يعني مش باخد منك فوايد فعملك مشكلة بسببها؟؟!..المفروض إني كل ده على أساس إني عميل مميز عند البنك عشان حساباتي وحسابات شركتي وموظفيني كلها علي نفس البنك اومال لو عميل عادي كنتم هاتعملو إيه؟؟".