أحمد زاهر: غادة عبد الرازق مش بتحبني وفي عداوة بيني وبينها

كشف الفنان  أحمد زاهر، عن طبيعة علاقته بالنجمة غادة عبدالرازق، مشيرًا إلى أنهم يوجد بينهما عداوة منذ تعاونهما في مسلسل حكاية حياة، وذلك خلال تصريحات تليفزيونية.

تحيا مصر يرصد تصريحات أحمد زاهر عن غادة عبد الرازق 

وقال زاهر: في عداوة بيني وبين غادة عبد الرازق، لكن من ناحيتها هي أنا معملتلهاش حاجة.. ممكن تكون مش بتحبني.. هي حرة مش هجبر حد إنه يحبني.

وتابع : رغم عدم حُبها ليا، لكن هي من أقوى الممثلات في الوطن العربي، وعملنا مع بعض مشاهد حلوة في حكاية حياة.

وأضاف: غادة عبد الرازق مكنتش موافقة إني أكون موجود في المسلسل، ولكن رجعت في كلامها بناءً على كلامها مع المخرج محمد سامي والمنتجة، وبعد ما اتقالي أنت مش معانا صليت ودعيت.

واختتم أحمد زاهر حديثه قائلًا: ده أنا خسيت سنة عشان الدور ده، وجالي تليفون إني مشارك بالعمل، ولما روحت لقيت طاقة سلبية من جهتها من غير ما أعرف السبب

وقال زاهر في إحدى تصريحاته التليفزيونيه: دوري فتحي البرنس أقدر أقول عليه الدور الأهم في حياتي وهو بالنسبالي دور عمري.

وتابع: الكيماء بيني وبين الممثلين عنصر أساسي ولو مفيش كيمياء مش هعرف اشتغل، والكيماء بيني وبين روجينا ومحمد سامي في حتة تانية.

معايير اختيار أحمد زاهر لأدواره

وعن معايير اختياراه لأدواره قال: لو الشخصية هتعلم مع الجمهور هعملها حتى لو من غير فلوس، أساس أي حاجة موهبة وبعدها بتيجي الخبرة والدراسة ومذاكرة الشخصية، أنا قعدت مع دكاترة نفسيين وظباط ومحامين علشان آخد منهم تفاصيل أحطها على شخصيتي لو خدت الشخصية زي ما هي من السيناريو مش هعملها كويس، يوم عن يوم الواحد بيزداد خبرة وتفكيره بيكبر، حتى المواقف الإنسانية بتغير، ولو الإنسان نجح بيكون عليه مسؤولية أكبر.

أحمد زاهر يتحدث عن معاناته مع الغدة الدرقية

وعن معاناته مع مرض الغدة الدرقية قال: اتعلمت من تجربة معاناتي مع مرض الغدة الدرقية إن مفيش حاجة باقية أو فارقة والدنيا زوال في النهاية، ومش لازم نحارب ونتخانق على دور مثلا أو أي حاجة في الدنيا واتعلمت إني لازم أقرب من ربنا.

وتابع: بندمر نفسيتنا بالتمثيل لأن المشاعر ممكن تموت الناس فممكن تموتي من الزعل وبتعيشي نفسك في مشاعر معينة 13 أو 14 مشهد فالجهاز العصبي عندنا بيدمر والناس فاكرة إننا بنهزر وبنشرب شاي ولكن إحنا أخطر شغلانة ممكن تدمر أي يني آدم لأننا بندمر مشاعرنا وأحاسسينا.

مسلسل البرنس

مسلسل البرنس عرض في السباق الرمضاني 2020 وحقق نجاحًا كبيرًا، وكان من بطولة أحمد زاهر، روجينا، محمد رمضان، نور، إدوارد، نجلاء بدر، أحمد داش، محمد مهران، محمد علاء، عبد العزيز مخيون، ريم سامي.

وتدور أحداث مسلسل البرنس في إطار الدراما الاجتماعية  حول عائلة البرنس، حيث رضوان البرنس الذي يتشارك في العديد من العلاقات الأسرية الاجتماعية بينه وبين عائلته، وذلك بعد وفاة والديه، ويجد نفسه متولي مسئولية الجميع.