خاص| وفاء سالم: مكنتش متوقعة التفاعل معايا بالشكل ده وبنصح البنات متخليش نقط ضعفها علنًا

كشفت الفنانة وفاء سالم أنها لم تتوقع التفاعل الكبير على قضية التحرش التي تعرضت لها في الصغر، كما كشفت عن موقفها من إقامة برنامج تلفزيوني توعوي خلال الفترة المقبلة.

تحيا مصر يرصد لكم تصريحات وفاء سالم

وقالت وفاء سالم في تصريح خاص لموقع تحيا مصر: في ناس كتير وبنات كلمتني تحكيلي عن مشاكلهم وتعرضهم للتحرش في الصغر.

وفاء سالم: مكنتش متخيلة التفاعل معايا بالشكل ده

وتابعت وفاء: انا مكنتش متخيلة ان يبقى في تفاعل معايا بالشكل ده وانا اصلا اعتزلت وقولت انا في السن ده والمقام ده كانوا بيضغطوا عليا بالشكل الايحائي بالتحرش وانا سيبت كل حاجه وبعدت.

واضافت: في بنات المدرس بيتحرش بيها واهلها وكله بيدخلوا من نقطه ضعف البنت وبنصح البنات متخليش نقطة ضعفها علنًا.

وفاء سالم تكشف إمكانية تقديم برنامج تليفزيوني 

كما كشفت وفاء سالم أنها ستكتفي بعرض بعض القصص عبر قناتها بموقع يوتيوب ولا تفكر في تقديم برنامج تليفزيوني موضحة: أنا حاليًا هكتفي باليوتيوب والبرنامج التلفزيوني هيبقى فيها قواعد معينة هتتفرض عليا انا دلوقتي حرة وبقول الحقيقة وانا قولت قضيتي الشخصيه كان عشان اتسألت انتي اعتزلتي ليه.
 وكشفت وفاء: في مواقع بتقول اخبار على لساني وناس كتير بطلع اخبار على حسابي وتقول ايه خلاني دلوقتي اتكلمت وليه انا بفضح أهلي، بس في بنات كلمتني وقالت احنا عايزين نصرخ وتقولك ونحكيلك كل حاجه.

كما كشفت وفاء سالم بأنه لن يتم التواصل معاها من قبل اي جهة أو من بعض زملائها من الفنانين.

تصريحات وفاء سالم

وكشفت وفاء سالم في وقت سابق سبب نشرها فيديو تحكي فيه تعرضها للتحرش وقالت في تصريحات لتحيا مصر: الفيديو اللي نشرته ليه هدف وهو توعوي للاسرة العربية وعمومًا عن ظاهرة  التحرش واللي بتحصل كتير جدًا، و الفنان بيبقى حريص طول الوقت أنه ميضايقش حد وأنا حاليًا حره وبتكلم بكل وضوح وليا حاليًا توجه توعوي بعد اعتزالي التمثيل. 

واستكملت:انا عندي توجه توعوي حتى لو بحكي عني ومش هدعي حاجه مش بيتحصل وهكشف الغطاء من خلال تجاربي الشخصية وكل مرة هتكلم عن حاجه تخصني وأول حاجة كانت عن التحرش.