فيفي عبده تخوض السباق الرمضاني 2023 بمسلسل آخر زمن

تستعد الفنانة الكبيرة فيفي عبده لخوض السباق الرمضاني 2023 بمسلسل آخر زمن، حيث نشرت مقطع فيديو أثناء تعاقدها على العمل عبر حسابها الرسمي بموقع تبادل الصور والفيديوهات القصيرة إنستجرام.

تحيا مصر يرصد تعاقد فيفي عبده على مسلسل آخر زمن. 

فيفي عبده لـ جورج وسوف: بعزيك في الغالي وقلبنا فيه نار عشانك

وقالت فيفي عبده خلال الفيديو: مش عارفة أقولكم قد ايه حزني عشان خاطر ابن حبيب العالم العربي كله جورج وسوف، بعزيك في الغالي ابنك وديع يا ابو وديع، معلش كلنا لها ودا الحقيقة الوحيدة في الحياة، ويارب قد غلاوته يديك صبر، والله قلبنا كله فيه نار عشانك، انت وديته في مكان أحسن بكتير ربنا يديك صبر انت وابنه وكل الناس.

فيفي عبده وظهورها بدون مكياج

وظهرت الفنانة فيفي عبده للمرة الثانية بدون مكياج، وكانت قد فعلت هذا من قبل أثناء نعيها لـ المطرب اللبناني الراحل جورج الراسي، ووقتها تعرضت لـ حملة سخرية شديدة عبر مواقع التواصل الإجتماعي المختلفة، لتدافع عنها الإعلامية ياسمين عز، فقالت: الست طالعة بطبيعتها في بيتها وحاطة طارحة على شعرها بتعزي صديقها تقومو تتنمرو عليها، ترضي إن حد يتنمر على أمك.. ليه فاكرين إن قلة الأدب خفة دم ، انت بتقتله.. لو فيفي عبده كانت طالعة فول ميكب كان نفس الناس دول قالوا هي رايحة عزاء ولا فرح.. خفوا من كلامكم الجارح عن الناس.

فيفي عبده: معرفش أسيب حقي وأنام

وقالت فيفي عبده: كنت بهتم بالكومنتات اللي الجمهور بيكتبها في البداية، لكن دلوقتي بقيت صايعة كنت بلاقي حاجات تحرق الدم، ومرة لقيت بنت كتبالي أنا عندي 20 سنة ومش قادرة أدخل التويليت، قولتلها لو انتي عيانة ربنا يشفيكي، لكن لو انتي بتشمتي فيا أو بتعملي فيها مقلب هقول ربنا ياخدك، أنا معرفش أسيب حقي وأخد حقي وأنام.

فيفي عبده عن الشائعات: بيموتوني وأنا عايشة.. ومش باخد فلوس من معجبيني

وتطرقت فيفي عبده بحديثها عن الشائعات، فقاتل: موتوني وأنا عايشة، مش ممكن أتصور مع معجبيني ولا اعمل فيديو معاهم بمقابل ودي إشاعة من الإشاعات اللي بتطل عليا، الشجرة المثمرة بيتم ضربها بالطوب، والجمهور حطني في دماغهم عشان ده حب.

فيفي عبده: مش حرام أعيش طفولتي وأنا جدة

وأضافت: حاسة إن أنا عندي 25 سنة عشان معشتش طفولتي، شغل وشقى فحرام إن أعيش طفولتي دلوقتي عشان أنا أم أو جدة،  أنا ست بحب الحياة زي صباح ويارب يديني عمر زيها كدة.

جدير بالذكر، أنه  كانت آخر أعمال الفنانة فيفي عبده الدرامية مشاركتها في السباق الرمضاني 2022، من خلال مسلسل “شغل في العالي”، بجانب الفنانة  شيرين رضا، توني ماهر، بسمة داود، مروان يونس، كريم سرور، وعدد من ضيوف الشرف، من تأليف حسين مصطفى محرم وإخراج مرقس عادل، وحقق العمل نجاحا ليس بالقليل خلال فترة عرضه في رمضان.