بدرية طلبة لـ ياسمين عز: الناس بتكح تراب وانتي جاية تقوليلنا مدوا الألف واتنحنحي بالشتوي

خرجت الفنانة بدرية طلبة لتعرب عن غضبها من تصريحات الإعلامية ياسمين عز المثيرة للجدل عن الرجالة، وذلك بطريقة ساخرة، مشيرة إلى أنها يمكن أن تهدم العلاقة بين الزوج والزوجة دوت قصد.

تحيا مصر يرصد في ذلك التقرير تصرحيات بدرية طلبة لـ ياسمين عز

بدرية طلبة لـ ياسمين عز: مفيش وقت للدلع المرق ده

قالت ياسمين عز خلال فيديو نشرته عبر حسابها الرسمي بموقع التواصل الاجتماعي "فيسبوك": "إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت".

بدرية طلبة لـ ياسمين عز: خلتينا نكلم نفسنا وبتوقعي وانتي قصدك خير

وتابعت حديثها: أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير، بعد ما أقوله يلا يا محمد أقوله محمد بمد الالف واتنحنح شتوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا.

واختتمت بدرية طلبة حديثها، قائلة: وبعدين اي الصوت الشتوي ده يعني الست تلبس بطانية وهي بتتكلم ولا اي، وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية.

تصريحات ياسمين عز المثيرة للجدل

وكانت ياسمين عز قد كشفت أداب النداء على الزوج، فقالت: ليه بتنادي على جوزك محمد بس المفروض تقوليله يا أستاذ محمد ومتاكليش أخر حاجة في اسم الراجل بعد اذنك، مينفعش تقوليله يا محماا قولي محمد.. زي مانتي مش بتحبيه ياكل اسمك ويقولك يا سمااا بدل سماح انتي كمان متعمليش معاه كدة.

وتابعت: يا أداة نداء تطلعي بيها وتعلي بإستاذ ومحمد بالصوت الشتوي وهتقولي ليه أقول يا مش أيها، عشان يا للقريب الحبيب أيها للبعيد الغريب.

واختتمت ياسمين عز حديثها، فقالت: حبي جوزك وراجلك ولازم يكون صوتك هادي وناعم وإفخري بيه وحسسيه دايما بمجهوده في شغله.