وفاء سالم تروي قصة تعرضها للتحرش: بوستهم كانت بتشوك خدي وانتهكوا طفولتي البريئة

كشفت الفنانة وفاء سالم عن سبب اتخاذها قرار الاعتزال عن التمثيل، كما كشفت وفاء عن تعرضها للتحرش من بعض أقاريبها منذ الضغر.

تحيا مصر يرصد لكم تعرض وفاء سالم للتحرش

وقالت وفاء سالم خلال مقطع فيديو نشرته على موقع الفيديوهات الشهير يوتيوب: لما كنت صغيرة، كنت أحب أقعد تحت ترابيزة السفره، ومكنتش بغير المكان ده، وكنت بسمع صوت الحلل والأطباق  والشوك وريحة الطعام، وأنا في دنيا تانية خالص، ومجرد ما بسمع بداية الحورات العالم بتاعي ملهوش دعوة بالعالم اللي فوق.

وأضافت: وكانوا يعتبروني قطتهم السيامي اللي بيلعبوا بيه، وكانوا بيقعدوني على حجرهم وبينقلوني من حجر لحجر، ولما بيحضنوني كانوا بيوجعوا جسمي ببقى عايزة أزقهم ومش قادرة ومش مستحملة الأحضان بتاعتهم بسبب جسمي النحيل، ولما كانوا بيبوسوني كنت ببقى غصب عني بمسح البوسة من على خدي، وكانوا بيسألوني انتي مش بتحبينا؟ وكنت بتكسف وأقول لا.

وفاء سالم: بوستهم كانت بتشوكني وريحتهم كانت بضايقني

وتابعت وفاء سالم:  بوستهم كانت بتشوكني وبتشوك خدي وريحة نفسهم بالسجائر كانت بتضايقني وببقى عايزة أهرب من كل العالم ده؛ لأن أحضانهم كانت بتوجع جسمي النحيل، وأكتر حاجة لسه فكراها لحد دلوقتي وكانت بتوجعني وعاملة جرح في قلبي إن بعض القرايب والأغراب كانوا بيقعدوني على حجرهم وبينتهكوا طفولتي البريئة، بينتهكوها بقسوة ووقاحة.

وفاء سالم: جوايا وجع كبير

واستكملت وفاء: كنت في الأول مش بفهم وكنت بتكسف أتكلم، ودلوقتي كل ده شريط بيمر وبيلف في دماغي وعمري ما نسيته ولما كبرت كنت بحس إن الطفلة لسه جوايا، ولسه جوايا البراءة، وكان بيحصل معايا حاجات شبه كده لحد وقت قريب، وبيدخلولي من مداخل انتي فتاة أحلامي، انتي كلك أنوثة وجمال، انتي محصلتيش، وكل ده كان مدخل عشان يوصلوا لحاجة، مش قادرة أنطقها أو أقولها، جوايا وجع كبير، وده كان من ضمن الأسباب إني مشيت،.. لسه فيه حواديت وحكاوي هتسمعوها.

اعتزال وفاء سالم التمثيل

أعلنت الفنانة وفاء سالم اعتزالها التمثيل بشكل مفاجيء ودون توضيح أسبابقالت وفاء سالم في فيديو نشره عبر قناتها الرسمية بموقع الفيديوهات يوتيوب: بدون توضيح أسباب والأسباب دي هقولها في الفيديوهات الجاية، انا قررت اعتزل، والقرار ده بيروح ويجي، وانا صغيرة كان عندي مشكلة مع الكذب ولما بكدب بيكون فيه حجر على قلبي وأما حبيت التمثيل قولت هنقل المشاعر اللي بحسها سواء غضب أو حزن أو ألم لكن عايزة أرتقي بالذوق العام من خلال أعمال فنية هادفة وحظي كان كويس العمل مع عمالقة مثل الراحل أحمد زكي والكاتب بشير الديك والمخرج عاطف سالم

واختتمت: عاوزة يبقى في تواصل شخصي بينكم وعملت قناة عشان أرد فيها على أى سؤال يخصني وهرد على كل الأسئلة سواء النقد الجيد وكذلك وجهة النظر المعارضة لي وسأتفاعل معكم.