أسما شريف منير: الواحد محتاج حضن أو اثنين على الأقل في اليوم عشان يقلل من توتره

حرصت الفنانة أسما شريف منير على توضيح فوائد الحب للجمهور، وذلك بمشاركة فيديو لها مع ابنتها وهي تحتضنها، مشيرة إلى أن الانسان يحتاج إلى حضن أو اثنين في اليوم.

تحيا مصر يرصد في ذلك التقرير فوائد الحضن على لسان أسما شريف منير

قالت أسما شريف في رسالتها عبر حسابها الرسمي بموقع تبادل الصور والفيديوهات انستجرام: دراسات كتير بتقول إن الواحد محتاج حضن أو اثنين على الأقل في اليوم.

أسما شريف منير: ممتنة لـ بنتي وحضنها 

وتابعت: حتى لو مفيش دراسات، الحضن بيحسس الإنسان بالطمأنينة والأمان والسعادة، الدراسات والعلم بيقولوا إن الحضن له فوائد، بيقلل إحساس الألم، ويزود هرمون السعادة، ويدي الواحد إحساس بالاتصال ويقلل من إحساس التوتر.

واختتمت أسما حديثها، قائلة: النهاردة أنا ممتنة لثلاث حاجات في حياتي، وجود بنتي وحضنها وحبها ليه.

أسما شريف منير وعلاقاتها بطليقها

وكشفت أسما شريف منير علاقتها بطليقها، فقالت: كل مرة بحس أن لو أب واحد أو أم واحدة سمعوني وراجعوا نفسهم وقرروا أنهم يتنازلوا عن كل الخطط والقضايا والمحاكم والخناق وفكروا قد ايه هما بينقذوا نفسية ومستقبل اولدهم مش هيترددوا لحظه أنهم يختاروا السلام.. كل مرة بنفهم أكتر عن نفسية بنتنا والتغيرات اللي بتعدي بيها وكل مرة بنتحد فيها أو بنكون موجودين في أهم لحظات حياتها بنشوف قد ايه بتكون سعيدة من قلبها ونفسيتها مرتاحة ودي أكتر حاجة بتفرقلها، أكتر من الهدايا واللبس واللعب.

وتابعت: أبو بنتي  بيكون متواجد في كل حفلات المدرسة وكل مناسبة تخصها مش بيعمل زي رجالة كتير وسيبها عاليا، بالعكس ودي حاجة تاتيه مهمه جداً، أن الأب مش دوره بس أنه جيب فلوس، كل حاجة الأب بيشارك فيها بتقرب الطفل خطوة ل نفسيه سويه اكتر رغم ان الظروف مش عاديه، مش اب و ام عايشين تحت سقف واحد، بس يمكن نكون اقرب من اللي عايشن مع بعض، عشان بنحترم بعض و بنحترم مشاعر بنتنا و بنسمع لها بجد.

أسما شريف منير

جدير بالذكر، أن أسما شريف منير هي ابنة الفنان شريف منير، تخرجت من الأكاديمية العربية للعلوم والتكنولوجيا والنقل البحري ، هى محبة للتجميل والأزياء وتقدم العديد من الفيديوهات على مواقع التواصل الاجتماعي ، فهى محبة للغناء والموسيقى، تزوجت اسما مرتين، مرة من رجل الأعمال محمد السكرى، والمرة الثانية من الفنان محمود حجازي ولكنهم انفصلوا بعد فترة من الزواج.