ياسمين عز تنصح السيدات: ماتحطيش على رأسك باروكة.. الحاجة الوحيدة اللي تحطيها فوق رأسك هي جوزك

وجهت الإعلامية المصرية ياسمين عز نصيحة جديدة للسيدات للتعامل مع الرجل، وذلك خلال برنامجها كلام الناس المذاع عبر قناة mbc مصر.

تحيا مصر يرصد نصيحة ياسمين عز للسيدات. 

وقالت عز: ماتحطيش على رأسك باروكة.. الحاجة الوحيدة اللي تحطيها فوق رأسك هي جوزك الفرعون الكبير خلي جوزك تاجك أحسن من مليون باروكة.

وتابعت: قصة شعري اسمها قصة الأسد وعمري ما لبست باروكة.

وأضافت: بتدعي على جوزك ليه؟ دا بركة البيت لو مشي هتحل اللعنة.. بتخوفيه يعني وبتبثي الرعب في قلبه، لا يمكن ترعبي الراجل واحنا عايشين على وش الأرض.. اوعى تخاف احنا جمبك سيبها تدعي من هنا لبعد العشاء، لو قالتلك منك لله قولها كلنا مننا لله وإذا قالتلك روح يا شيخ قولها رايح وراجع بسرعة.

واستطردت: الشعر عند البنات نوعين وهم البلحي اللي هو المكسر الهايش والخيلي اللي هو السايح. لكن عند الراجل نوع واحد بس وهو خيطان حرير وسلوك ذهب أسود

وضعت الإعلامية ياسمين عز مجموعة قواعد للتعامل مع الزوج وتفخيمه، من بينهم عدم نداء زوجها بدون ألقاب، وذلك خلال برنامجها “كلام الناس”، المذاع على قناة mbc مصر.

ياسمين عز: متاكليش أخر حرف من اسم جوزك

قالت ياسمين عز: : ليه بتنادي على جوزك محمد بس المفروض تقوليله يا أستاذ محمد ومتاكليش أخر حاجة في اسم الراجل بعد اذنك، مينفعش تقوليله يا محماا قولي محمد.. زي مانتي مش بتحبيه ياكل اسمك ويقولك يا سمااا بدل سماح انتي كمان متعمليش معاه كدة.

وتابعت: يا أداة نداء تطلعي بيها وتعلي بإستاذ ومحمد بالصوت الشتوي وهتقولي ليه أقول يا مش أيها، عشان يا للقريب الحبيب أيها للبعيد الغريب.

وأضافت: أستاذ محمد مش بينزل السبت انتي كدة هتهزي الكيان وكيان أستاذ محمد محدش يجي جنبه، واحنا لازم نحافظ على تفخيم القدوة.

ياسمين عز: حسسي جوزك المهندس بالحنان وبروزي اسمه بين قوسين مفخمين

وتحدثت ياسمين عز على تعامل الزوجة مع زوجها المهندس، فقالت: لو جوزك مهندس لازم تحسسيه بالدفا والحنان لأن حياته كلها مربعات ودواير ومستطيلات، ومحتاج يرتاح، وبروزي اسمه بين قوسين مفخمين ومزركشين ومزينين، قولي له الباشمهندس وفخمي فيه قدام صحابك، الباشمهندس خارق يقدر يعملك أي حاجة.

وأردفت عن الزوج الدكتور: وياهناها يا سعدها الي تتجوز دكتور، والمفروض اللي تتجوز دكتور تحمد ربنا عليه طول العمر وتبقى ماشية بالسي في بتاع جوزك، الدكاترة دول هما ملائكة الرحمة

واختتمت ياسمين عز حديثها قائلة: حبي جوزك وراجلك ولازم يكون صوتك هادي وناعم وإفخري بيه وحسسيه دايما بمجهوده في شغله.

ياسمين عز: بتجيبي كريمات بمئات الجنيهات وبيطلعلك الحباية بردو أخوكي بيمسع وشه بالفوطة بيطل بدر منور

وأشادت ياسمين عز كعادتها بالرجل، فقالت: انتي بتجيبي بمئات الجنيهات كريمات لوشك وبردو بيطلعلك الحباية لكن أخوكي البدر المنوربيمسح بس وشه بالفوطة بيطلع يلمع، والبنات يفضلوا يقولوا شوفت أخوها بيلمع ازاي وبيشرفك قدام العمارة وقدام صحباتك البنات، اديله ضلفة من دولابك، مش معقول كم الهدوم اللي انتي مكربساها في الدولاب وبعد كدة تقولي معنديش هدوم يابابا وادفع يابابا.