أحمد موسى: لازم تخفيضات «التموين» تكون بأسعار معقولة مش فرق نص جنيه

قال الإعلامي أحمد موسى، إنه لابد أن تكون تصريحات المسؤولين عن الأسعار مطابقة للسلع الموجودة في الشوادر، مضيفًا: " لابد أن تكون أسعار السلع المتوفر بالمعارض تليق بالخصومات التي حددها المسؤولون".

وأضاف "موسى"، خلال تقديم برنامجه "على مسؤليتي": "مش ذنب المواطن اللي قطع مشوار، إنه ميلاقيش منتج، لما أقول ننفذ ويكون عندنا احتياطي.. يعني ايه يبقا عندنا احتياطي والناس تيجي تشتري متلقيش".

التخفيضات

وتابع: "احنا عاملين المعارض ليه؟.. علشان أرخص من بره.. زي إزازة الزيت اللي بـ 25 عندي في التموين بره بـ 50 جنيه... ولازم نوفر الأسعار للمواطن.. المواطن عايز زيت وسكر وأرز ومكرونة وعدس وفول ودقيق".

وتابع: "لابد من توفير السلع بأسعار مقبولة وعادلة، مش فرق 50 قرش ولا جنيه.. ده مش ثمن المشوار.. مانا أجيب من بره وخلاص".

سعر البيض

وأوضح أن "البيضة زادت حوالي 25 قرش.. والبيضة الواحدة تجاوزت سعر 3 جنيه، والكرتونة وصلت لـ 91 جنيه، وفي أماكن أخرى وصلت 95 جنيه، وملهاش علاقة بحد".

سعر البانيه

وأردف: "سعر البانية يرتفع بشكل يومي، وبعض المناطق كان بـ 96 بعدها 106 واليوم 120 جنيه للكيلو، ووصلت في بعض الأماكن إلى 140 جنيه".