بعد الجواز ارمي كرامتك في الدرج وسيبي جوزك يفك مع زميلاته في الشغل.. إليكم أهم 25 نصيحة من ياسمين عز

منذ فترة وتعمدت الإعلامية ياسمين عز أن تسلك ببرنامجها “كلام الناس”، مسلكا أخر وهو الدفاع المستمر عن الرجال وتوجيه نصائح للسيدات في كيفية التعامل مع الرجل المصري سواء كان أخا أو زوجا، لدرجة أنها خصصت الفقرة الأولى من البرنامج لتوجيه نصائحها المنحازة بدرجة كبيرة للرجالة بأسلوب أثار غضب وسخرية عدد كبير من الجمهور ليس فئة السيدات فقط بل أيضا سخر معظم الرجال من تصريحاتها المبالغ فيها، وفي ذلك الإطار يرصد تحيا مصر أبرز 25 نصيحة من ياسمين عز للسيدات. 

أبرز 25 نصيحة من ياسمين عز للسيدات

• متندهيش جوزك يا محمااا اسمه الأستاذ محمد.
• والاستاذ محمد مينفعش ينزل السبت عشان متهديش كيانة وكيات استاذ محمد محدش يجي جنبه.
• ضيقي عينك واتسهتني وانتي بتكلميه ويكون على لسانك دايما حاضر ونعم وأوامرك يا حبيبي.
• اخنفي وانتي بتكلمي جوزك وكل ما تخنفي أكتر كل ما هيحب أكتر.
• استخدمي عيونك الشتوية وصوتك الشتوي وانت بتتعاملي مع جوزك تأثيرهم قوي مع بطة البرتقان.
• فيه أداب للتعامل مع الزوج أول ما يدخل البيت من غير ما يرمش ولا يبصلك تقفيله انتباه.
• لو جوزك اتجوز عليكي وطلب يرجعلك سامحيه لأنه غلبان.
• راعي ربنا في ضرتك وبلاش تكلمي جوزك وهو عند مراته الأولى.
• بعد الجواز ارمي كرامتك في الدرج وسيبي جوزك يفك مع زميلاته في الشغل.
• جيبي لأخوكي جرس في البيت وأما يرن تجبيله الشاي.
• الراجل المفروض أخته تخدمه إجلالا لقيمته في البيت.
• كلنا عايشن بالأنانسة محبكتش تروحي تعملي بروتين لشعرك أما جوزك يقبض.
• البروتين   بيضر صحتك وصحة جوزك اعمليله  صنية بط بالبرتقان أفيد.
• سيبي لأخوكي جزء من الدولاب بلاش تاكلي حقه وهو عايش وتعيشيه مقهور.
• قبل ما جوزك يجي بساعة خلي شعرك  مهفهف  وريحتك حلوة وبشاشة الوجه وطيب اللسان.
• اتجنني كل فترة ودللي جوزك ودلعيه وقوليله كلام جب وغزل قوليله يا أميري.
• بدل ما تفتشي في جيب جوزك حطيله فيه بونبوناية والعبي دور الأم في حياته.
• لو اتطلقتي عيطي واحزني واندبي وابكي واظهري بعد سنة عشان جوزك التاني ميقلقش منك.
• الراجل كأئن بريء مبيكدبش بلاش تكلميه قدام الأولى عشان هيرتبك ولو خد قرار انه يتجوز اتنين يبقى بالتأكيد واخد قرار انه يعدل بينكم.
• الراجل مش بس تحطيه في عينك ده تشيليه على الرموش والاهداب فوق العين وجوا العيون.
• الراجل عملة نادرة في الزمن ده وميتقدرش بكنوز انتي معاكي حته اثار نادرة حافظي عليه.
• لو بتسمعي مع جوزك ماتش والكاميرا جت على ست وابتسم بيكون عشان فرحان باهتمامها بالكورة فبلاش تنكدي عليه وتسأليه بيضحك ليه.
• الراجل هو اللي بينور ويطفي مش الفيلر ولا البوتكس.
• احمدي ربنا على جوزك وبلاش تبصي لزميلك في الشغل ولا قريب صاحبتك وتقارني بينهم.
• الراجل بيحارب طول اليوم بلاش تنكدي عليه واول ما تشوفيه قوليله ربنا يديمك نعمة في حياتي.

ياسمين عز ونصائحها المثيرة للجدل

ولم تقتصر نصائح ياسمين عز المثيرة للجدل على توجيه نصائح للسيدات بل توغلت في حياة كريستيانو رونالدو وعلاقته بـ جورجينا، مطالبة لاعب كرة القدم الشهير بتعجيل الزواج من جورجينا، مشيرة إلى أن سبب عدم زاج كريستيانو رونالدو من جورجينا هو عدم رضاء والدته رونالدو عليها، كما اتهمت جورجينا بتقصيرها في حياة أطفالها وزوجها بسبب سفرها المستمر للخارج.