مصطفى كامل: : أنا من بيئة متوسطة وطول عمري براعي ربنا في اللي بقدمه

صرح المطرب مصطفى كامل بـ مجموعة تصريحات جريئة خلال استضافته ببرنامج “البخت”، الذي تقدمه الإعلامية خلود عزمي  على شاشة قناة الشمس.

تحيا مصر يرصد في ذلك التقرير تصريحات مصطفى كامل في برنامج البخت

قال المطرب مصطفى كامل أنه من بيئة متوسطة، وتربى على أغاني أم كلثوم، وأنه يراعي الله دائماً فيما يقدمه، مُضيفاً: "طول عمري على مدى مشوارى راعيت ربنا في اللي بقدمه".

مصطفى كامل: عزيز الشافعي يتفوق على أي حد ومسامحين ميريام فارس

وأشار مصطفى كامل إلى أن الجمهور قد نسي إساءة مريام فارس لمصر، مؤكداً:" احنا اكتر ناس طيبة ومسامحة، بننسى طبعاً"، وأن النجم حسين الجسمي هو أفضل من غنى لمصر، أما عن أفضل صانع نجوم هو نصر محروس، وأنه معجب بإحساس عزيز الشافعي: “ عزيز الشافعي يتفوق على أي حد، متنوع، ومتجدد رغم إنه مش صديقي، وهو من أفضل الناس الموجودة دلوقتي”.

وأضح مصطفى كامل أن تامر حسني هو أفضل مطرب نجح في مجال التمثيل، وأن أنغام أهم صوت فى الوطن العربي، مشيراً إلى أن النجم صبري فواز قد اعتذر له بسبب سخريته من أغنية"قشطة يابا"في أحد البرامج التلفزيونية التي حل بها مؤخراً.

أخر أعمال مصطفى كامل

ويذكر، أن أخر أعمال مصطفى كامل طرحه لـ أغنية “وأنا بتفرج”، على موقع الفيديوهات الشهير “يوتيوب”، والذي أتت كلماتها: وأنا بتفرج على كل الصور. اللي أنا وأنت أتصورناها كنا قلوب عايشينها. وراميه الدنيا وراها بزعل اوى من قسوة روحنا. وعلى الأيام الحلوة اللي أحنا ضيعناها وأنا بتفرج. على شكل الفرحة اللي قلوبنا كانت عيشاها وإبتسامتنا اللى إحنا. بأيدنا ودعناها بزعل اوى من نفسى ومنك. إيه معناها يا خساره كل الأحلام يا خساره اتقلبوا الآم. يا خساره مروا الأيام وبنندم على ذكراها. يا خساره لا ندم ح يفيد يا خساره مبقاش بالأيد. يا خساره كان درس شديد لقلوبنا اللي ظلمناها. ذكرياتنا الحلوه دايما بتنادينى لسه عايشه مهما بتمر السنين. مهما طال البعد ما بينك وبينى كل يوم في البعد بيزيد الحنين. كنا بحر من العناد ومن الغرور ومن التحدي. أفتكرنا البعد سهل وعادى او ممكن يعدى. والسؤال دلوقتى كل ما أيدى بتقلب صورنا. أحنا كانت فين عقولنا لما حددنا اختيارنا. يا خساره كل الأحلام يا خساره اتقلبوا الآم. يا خساره مروا الأيام وبنندم على ذكراها. يا خساره لا ندم ح يفيد يا خساره مبقاش بالأيد. يا خساره كان درس شديد لقلوبنا اللي ظلمناها وأنا بتفرج على كل الصور. اللي أنا وأنت أتصورناها كنا قلوب عايشينها. وراميه الدنيا وراها بزعل اوى من قسوة روحنا. وعلى الأيام الحلوة اللي أحنا ضيعناها.