حلمى عبد الباقي لـ مهاجمي مصطفى كامل: موتو بحقدكم

حرص الفنان حلمي عبد الباقي على دعم الفنان مصطفى كامل نقيب المهن الموسيقية، وروى عبد الباقي بعض المواقف الإنسانية للنقيب مع أعضاء النقابة

تحيا مصر يرصد لكم رسالة حلمي عبد الباقي لـ مصطفى كامل

وكتب حلمي عبد الباقي عبر حسابه بموقع التواصل الاجتماعي فيسبوك: رب اخٍ لم تلده أمك مصطفي كامل الاخ الصديق الجدع اللي مش ممكن يتخلي عنك وانت في اي محنه لا قدر الله.

حلمي عبد الباقي: مصطفى كامل حنون على كل محتاج

وتابع: انتو عارفين انا عمري ما فكرت اكتب ايه ولا عادتي اني أمجْد في حد ولكن هذا الرجل اجبرني انا اكتب هذا البوست اللي كل كلمه بكتبها هي من قلبي وبدون تجميل انا اشتغلت معاك نقابه وراقبت كل حاجه بتعملها ابهرتني   ابهرتني وانت بتتكلم وانت بتعامل مع كل البشر بمختلف نوعياتها ابهرتني  وانت حنون على كل محتاج.

حلمي عبد الباقي لمصطفى كامل: ابهرتني بكل حاجة بتعملها

وأضاف: ابهرتني بشجاعتك وانت بتاخد اي قرار ابهرتني وانا بشوف في  عينك  نظرات الحنان وانت بتقول لاي راجل كبير او اي ست كبيره عيني يابا او عيني يا أمي  وتمسك قلمك وتمضي ابهرتني لما المتعهد س جه يرخص حفله لفنان خليجي كبير وانت بتتفق معاه وانت بتقوله انا مش هاجملك على حساب فلوس الناس لان دي مش فلوسي  وخدت منه مبلغ لم يستطيع اي حد قبلك انه يعمله وكمان قولتله طلع مبلغ للناس اللي تعبت معانا في النقابه وجبت كل الناس العمال اللي في النقابه حتي بتوع البارك وخليته يوزع المبلغ عليهم.

واستكمل: الله الله عليك هقول ايه ولا ايه كل اللي عاوز اقوله ربنا يديم عليك الصحه والعافيه ويخليك لاولادك ويخليك نصير كل محتاج ونصير كل مظلوم علشان انا ديما اقولك خلي بالك من صحتك علشان فيه ناس كتير محتاجينك كان نفسي اكتب كتير اووووي بس انا طولت ومش عارف انا كتبت كده ليه مش اكتر اني صحيت من النوم لقيت نفسي بكتب ده .

حلمي عبد الباقي: كلامي مش هيعجب المرضى النفسيين

وأستطرد: انا عارف ان ممكن ناس ميعحبهاش اني بكتب كده  لأمراض نفسية بس في الأخر مش مهم احساس حسيته ولازم انقله  بأمانه بحبك في الله يا صديقي الصدوق مصطفي كامل.

 واختتم عبد الباقي: نفسي كل الناس اللي ماتعرفكش  كأنسان تعرفك واشوفك على حقيقتك وكمان الناس اللي بتحاول تهز  صورتك أو تقلل منك بقولهم موتوووووو بحقدكم.