أحمد آدم: مراتي قفشتني وأنا بخونها ومش حابب يتعمل سيرة ذاتية عني

كشف الفنان احمد آدم أن زوجته أكشفت خيانته أكثر من مرة، كما تحدث عن صديقته الفنانة الراحلة جلا فهمي، وكشف آدم عن رأيه في امكانية تقديم سيرة ذاتية عن حياته.

تحيا مصر يرصد لكم تصريحات أحمد آدم

وقال أحمد آدم خلال استضافته في برنامج حبر سري والتي تقدمه الإعلامية أسماء إبراهيم ويعرض عبر قناة القاهرة والناس: مراتي قفشتني وأنا بخونها كتير بس انا بحبها جدًا، والحب حاجة وإني بخونها حاجة تانية.

وتابع: هي بتحس بيا ولما بتيجي تواجهني مش بعرف اكدب وبقولها الحقيقية وهي بتقولي لما اقفشك بتخوني تنهي العلاقة مع التانية على طول.

أحمد آدم عن چلا فهمي: عزة نفسها كنت سبب في إنهاء حياتها

كما تحدث احمد آدم عن الفنانة جلا فهمي وقال: جلا كانت إنسانة جميلة جدًا وطيبة وجدعة وعزة نفسها كانت السبب في إنهاء حياتها.

واستكمل: هي قفلت على نفسها وانعزلت عن الدنيا بسبب مشاكل في الوسط وكانت لازم تاخد حقها في الفن أكتر من كده

أحمد آدم: مش حابب يتعمل سيرة ذاتية عني

وعن أمكانية تقديم سيرة ذاتية عن حياته قال آدم انه يرفض تقديم سيرة ذاتية عنه وكشف: مش حابب يتعمل سيرة ذاتيه عني عشان السير الذاتية في الشرق غير الغرب في الشرق بيحب يطلعوا الشخص مثالي وملاك والخواجه مش كده بيطلعوا بصراحه والقصة بتكون بتحكي الواقع.

أحمد أدم: الشغل مع عادل إمام حاجة تانية ومش بيحط حاجز بينه وبين أصدقائه

كما اشاد الفنان أحمد أدم  بالعمل مع الزعيم عادل إمام، فقال: حاجة تانية، أنا والاستاذ عادل من قبل الشغل وهو كان بيحبني أوي وأما عرفته على المستوى الإنساني حبيته أكتر أنا كنت من جمهوره وبدخله أفلامه في السينما وأنا في الكلية، هو ما صحابه بيشيل كل الحواجز وبيكون في قمة التواضع، والتجربة كنت أتمنى إنها تتكرر كتير لأنه متزن في شغله وعارف هو بيعمل اي وبشوف كل اللي معاه وللي حواليه.

وعن محمد صبحي قال:من أعظم مخرجين الوطن العربي ومسرحياته ممكن تكون من المسرحيات اللي تتعرض 30 أو 40 سنة، هو بيكون شايف تركيبة معينة وصعب جدا إن الواحد يدخل يبوظهلهم هي مش ديكتاتورية.