أحمد آدم: أنا اللي ندمان أني اشتغلت مع منة شلبي

كشف الفنان احمد آدم عن حقيقة تصريحات منة شلبي عنه، كما تحدث عن علاقته بوالدته وتحدث أحمد آدم عن حديثه عن السياسة خلال فترة ما في حياته.

تحيا مصر يرصد لكم تصريحات احمد آدم

وقال احمد آدم خلال استضافته في برنامج حبر سري الذي يعرض عبر قناة القاهرة والناس وتقدمه الإعلامية أسماء إبراهيم: صلاح عبدالله كان الأنسب يقدم شخصية الريحاني بدلًا من عمرو عبدالجليل.

وكشف أحمد آدم :في أفلام ليا الظروف أجبرتني أني اعملها، وفي تاريخي الفني في أعمال مكنتش راضي عنها بحس أن الظروف اللي اجبرتني اعملها وفي حاجات كنت رافض اعملها وهي اللي تسببت في النجومية والشهرة.

أحمد آدم يوجه رسالة لـ منة شلبي

وعن الأخبار التي تدوالت بشأن بكاء الفنانة منة شلبي في غرفتها بسبب ندمها في العمل مع أحمد أدم في “فيلم هندي”، وتصريحها “أنا استاهل ضرب الجزمة إني اشتغلت معاه”، قال أحمد أدم: لو كنت سمعتها كنت  فتحت الأوضة وقولتلها  أنا اللي ندمان إني اشتغلت معاكي  وانتي مين أصلًا.

واستكمل: منة شلبي صديقتي وحبيبتي، ودايمًا بتقولي انت وش السعد عليا بعد محمود عبد العزيز، ومنة زي اختي الصغيرة وهي تخاف تقول كلام زي ده وهي بتحبني وبتعزني.

أحمد آدم: بهاء سلطان طيب جدًا كسوفه مضيعه

كما كشف آدم عن حبه الشديد للفنان بهاء سلطان وقال: بهاء سلطان طيب جدًا وكسوفه مضيعه، و هو المطرب الوحيد اللي بيليق عليه كل الأغاني واللي مضيعه كسوفه وانسان جدًا و بحب أغانيه وبحب طيبته وسلامة نيته

كما تحدث أحمد آدم عن فترة حديثه عن السياسة وقال: كلامي في السياسة مضيعش عليا فرص ولو فرص ضاعت هيبقى انا اللي رفضتها والعيب مني والسياسة مضيعتنيش.

أحمد آدم: أمي كانت بتصلي ركتين لما أخرج عشان تدعي أرجع من غير مشكلة

وتحدث آدم عن علاقته بوالدته وقال: كنت مفتقد أمي في فترة ثانوي وماتت وأنا صغير وكان كل أسراري معاها ولما كنت بخرج كانت بتصلي ركعتين وتدعي إني أرجع من غير ما أعمل مشكلة.