هشام عباس: أغنية سيبها تحبك قصة حقيقة في حياة أيمن بهجت قمر وصلاح الشرنوبي كانت نقطة تحول في حياتي

كشف الفنان هشام عباس عن كواليس أغنيته اه من عيوني السود، وعن العلاقة التي جمعته بالملحن صلاح الشرنوبي، وكشف كواليس أغنية سيبها تحبك.

تحيا مصر يرصد لكم تصريحات هشام عباس عن أعماله الغنائية في برنامج أنغام

هشام عباس مع أنغام

وقال هشام عباس خلال لقائه في برنامج أنغام والتي تقدمه انغام ويعرض عبر قناة دي أم سي: صلاح الشرنوبي كان نقطة تحول في حياتي واول اغنية كان اه من عيني السود وكانت انطلاقه.

وتابع:  اول مرة روحتله قولتله مش عايز الاغاني دي وانا جاي عشان اغاني زي حرمت احبك وقالي سيبني وانا هظبطلك أغاني وهو حبني وعملي أغنية احلى ما فيكي وساعه لقلبك يا جميل وكلها اغاني جميلة وكان بيقولي انت جرئ وبتاخد اغاني ملهاش علاقة بالشباب.

واستكمل: الاغاني اللي كنت بختارها  كانت صعبة جدا ومن بين عيون الناس كانت صعبه جدا ولحنها كان صعب.

وكشف: مصطفى السقا خدت منه أغنيه وانا وانا بعد ما قال أنه مش هيغني تاني وهي لحن إبراهيم فهمي وكنت مهندس صوت وقتها بس وكانت توزيع طارق مدكور

واستكمل: البوم ناري نارين عملتها مع طارق مدكور ومش هاين عليا وأه من الليالي واشتغلت مع حميد، وعملت أغنية اه يا ليل من أشرف مدكور.

وتابع: انا تعاونت مع ناس كتير مكنتش اتخيل اعمل معاهم الاغاني دي كلها، ولما بقعد مع نفسي بقول لازم اكلم الناس دي كلها واعمل اغاني معاهم تاني، وكنت محظوظ جدا في الاغاني وكنت بحبهم جدا.

هشام عباس: أغنية سيبها تحبك قصة حقيقة في حياة أيمن بهجت قمر

وكشف هشام عباس أن أغنية سيبها تحبك يا قلبي كانت من القصص الحقيقة التي كانت في حياة الشاعر أيمن بهجت قمر وقال: سيبها تحبك يا قلبي من قصص ايمن بهجت قمر الحقيقه في حياته وهي من الحان عمرو مصطفى، وهي قصة حب طوليه كنا عيشنها انا وعمرو مصطفى وأيمن أبدع فيها.

كلمات اغنية سيبها تحبك يا قلبي

سيبها هتحبك يا قلبي حبها تسيبك
هي دي حبيبتك يا قلبي وهو ده نصيبك
سيبها هتحبك يا قلبي حبها تسيبك
هي دي حبيبتك يا قلبي وهو ده نصيبك
لما الشوق بيذوبها زي النسمة تفوت
لما اللي بتشتاق له يسيبها من أحزانها تموت
لما الشوق بيذوبها زي النسمة تفوت
لما اللي بتشتاق له يسيبها من أحزانها تموت
ولما تحس بضعف حبيبها لازم تقسى عليه
يا قلبي حنعمل إيه، إيه
سيبها (حتحبك يا قلبي) حبها تسيبك
تتدلع وبتتمنع وتداري في قلبها وخلاص
لا أنا عارف دي بتتوجع ولا ما فيش عندها إحساس
تتدلع وبتتمنع وتداري في قلبها وخلاص
لا أنا عارف دي بتتوجع ولا ما فيش عندها إحساس
لما الشوق بيذوبها زي النسمة تفوت
لما اللي بتشتاق له يسبها من أحزانها تموت
ولما تحس بضعف حبيبها لازم تقسى عليه
يا قلبي حنعمل إيه، إيه
سيبها (حتحبك يا قلبي) حبها تسيبك