مبنخبيش عليكم حاجة.. رسائل هامة من الرئيس السيسي من كاتدرائية ميلاد المسيح

حرص الرئيس عبدالفتاح السيسي، على التواجد،  بكاتدرائية ميلاد المسيح، للتهنئة بعيد الميلاد المجيد، مساء اليوم الجمعة، حيث كان في استقبال الرئيس السيسي، البابا تواضروس الثاني، بابا الإسكندرية بطريرك الكرازة المرقسية، وتوجه الرئيس السيسي في بداية حديثه بالتهنئة إلى الأخوة الأقباط بمناسبة عيد الميلاد المجيد.
وأعرب الرئيس عبدالفتاح السيسي، عن أمنياته في أن يكون عام 2023، عام خير وسلام وأمن ومحبة على مصر والعالم أجمع.

ووجه الرئيس السيسي عددا من الرسائل الهامة للمصريين، والتي نتستعرضها خلال السطور التالية:
- إحنا مبنخبيش عليكم حاجة، ولو سمحتم يا مصريين متدوش ودنكم لحد أقل ما فيه إنه مش مسؤول
- إحنا كحكومة ودولة حرصين على التعامل مع الأزمة الكبيرة الموجودة في العالم
- الدنيا  بعد الأزمة الأخيرة هتبقى مختلفة عن الدنيا اللي شفناها قبل كده
- هتلاقوا ناس بتتكلم كلام كتير واللي بيتكلم مايعرفش لو فيه حاجة هعملها هقولكم كلكم
- سعيد بخوف المواطنين على مصر.. متخافوش لإن ربنا موجود وأعز وأكبر من الكل
- احنا الحمد لله ماشيين كويس وإن كنا بنعاني لكن منخافش ومنقلقش
- هي مصر لو تعبت هنتخلى عنها ؟
- محتاجين نؤكد في كل مناسبة إن إحنا واحد ومفيش أي شكل من أشكال التفرقة بيننا
- كل الاحترام والتقدير والاعتزاز للبابا تواضروس الثاني
- في ناس متعرفش بتقول خلي بالكم قناة السويس وهنبيع حاجة مبنقولش عليها، لو في حاجة هعملها هقول، هي مصر لو تعبت هنتخلى عنها.
- -عشان تفضل محبتنا لبعض بدون تمييز، لازم يجتهد الشعب مصري كله لتتأصل مقولة (الأديان تتوافق ومش لازم تتطابق) في نفوسنا ونفوس الأجيال المقبلة.

وخلال حديث الرئيس عبدالفتاح السيسي، قطع كلمته داخل الكاتدرائية للرد على طفلة قالت له بحبك ياريس قائلا: أنا كمان بحبك.

وترأس البابا تواضروس الثاني، بابا الإسكندرية بطريرك الكرازة المرقسية، صلاة قداس عيد الميلاد المجيد، مساء اليوم الجمعة، وذلك بكاتدرائية ميلاد المسيح بالعاصمة الإدارية الجديدة، بمشاركة الآباء الأساقفة والكهنة والرهبان.

ويقود الشمامسة المعلم إبراهيم عياد المرتل الكنسي، بحضور كبار رجال الدولة والوزراء والدبلوماسيين وسفراء الدول والشخصيات العامة ووسائل الاعلام المختلفة، وسط حضور شعبي.