ياسمين عز: سيبي لأخوكي جزء من الدولاب بلاش تاكلي حقه وهو عايش وتعيشيه مقهور

وجهت الإعلامية ياسمين عز مجموعة نصائح للفتيات بشأن سيطرتها الكاملة على الدولاب سواء في منزل أسرتها او في منزل زوجها.

تحيا مصر يرصد في ذلك التقرير نصائح ياسمين عز في كلام الناس

ياسمين عز: بتاخدي دواليب البيت لحسابك وسايبة أخوكي مقهور مش قادر يفرد لبسه على شماعة

قالت ياسمين عز خلال برنامجها “كلام الناس”، المذاع على قناة mbc مصر: قبل الجواز بتكوني في بيت بابا وماما الدولاب ملكك بوضع اليد، أخوكي سيباله شماعتين ورف وانتي واخدة دواليب البيت لحسابك الخاص، واخد 98% من الدولاب وسايبة لأخوكي الباقي ومش قادر يفتح بوقه مقهور إنه مش قادر يفرد بنطلونه في شماعة عشان تتبسطي.

وتابعت ياسمين عز: بتاكلي حق أخوكي وهو عايش.. أخوكي اللي هيقف معاكي في جوازتك وساعاتها ضميرك هيموتك من القلق.

ياسمين عز: بتدي جوزك الضلفة اللي فوق عشان مش طيلاها وبتخلي ضهره يطقق وهو بيجيب اللبس

وأضافت خلال حديثها عن الدولاب: أما تتجوزي ويودوكي على بيت جوزك بتكرري غلطك بردو وتدي جوزك الرف اللي بيكون عالي ومهجور عشان انتي مش طيلاه، وهو يشب لفوق وصوابعه توجه وضهره يطقطق، وتقوليله حط هدومك ورا الباب أو على الكرسي، الرجالة بيحسوا بقهر انتي مش واخدة بالك منه لكن أنا واخدة.

نصائح ياسمين عز للزوجات

وسبق وأن وجهت ياسمين عز مجموعة نصائح للزوجات، فقالت: قبل ما جوزك يجي بساعة خلي شعرك  مهفهف  وريحتك حلوة وبشاشة الوجه وطيب اللسان واتجنني كل فترة ودللي جوزك ودلعيه وقوليله كلام جب وغزل قوليله يا أميري لو قالك متكلميش كذا علم من غير نقاش والتقدير وديما حسسيه إنه البطل بتاعك وخليه يفتح برطمان الصلصلة وإن ماسكة مضرب النموسة مختلفة عن أي حد تاني حسسيه إنه بالنسبالك أحسن وأهم من الرجال اللي بيلعب جولف، هو أحرف من أحرف لعيب بيعلب جولف وهو بينشن على النموسة.

وتابعت: صوتك الشتوي اللي نسيتيه بعد ما اتجوزنا رجعيه تاني والعيون الشتوية النعسانة.. وانتي بتكلميه ضيقي عينيكي وسهتني عنيكي عشان يحس ببراءتك.. لو جمعنا بين العيون الشتوية والصوت الشتوي هتكون حياة تانية تخيلي صوت هادي وعيونك مدبلة وسهتانة.