حنان يوسف: كان نفسي أشتغل رقاصة ولو كان اتعرض عليا مشاهد بوس كنت هوافق

حلت الفنانة حنان يوسف ضيفة على برنامج “كلام الناس”، الذي تقدمه الإعلامية ياسمين عز على قناة mbc مصؤ، والتي تحدثت خلاله عن أشياء تمنتها في الطفولة من ضمنهم حبها الشديد للرقص.

تحيا مصر يرصد في ذلك التقرير تصريحات حنان يوسف في برنامج كلام الناس

حنان يوسف: كنت عايزة أبقى رقاصة وكنت معجبة جدا بالعوالم

وأوضحت حنان يوسف: كنت عايزة أبقى رقاصة في الأفراح كنت عايزة أبقى عالمة، وكنت معجبة جدا بالعوالم وكنت بحب الرقص البلدي وبحسه معبر، وكنت بتفرج زمان على الرقصات وأروح أقلدهم في البيت، ولحد دلوقتي برقص في أوضتي وإبني بيرقص في أوضته هو كمان.

حنان يوسف: مكنش عندي مانع من مشاهد البوس بس أنا كنت بقرف 

وفجرت حنان يوسف تصريح جريء، اذ قالت: لوكان اتعرض عليا مشاهد بوس كنت ممكن أوافق عادي لكن أنا بقرف من البوس، وقبل كدة اتعرض قولت للمخرج لا أنا بقرف.

وتابعت مازحة: دلوقتي كبرنا ولا بقى فيه حب ولا بقى فيه بوس.

حنان يوسف: الجواز لازم يكون فيه حب والزوج والزوجة المفروض يساندوا بعض

وتطرقت حنان يوسف بحديثها عن علاقة الراجل بالمرأة، فقالت: لو الست حبت تتجوز في أي وقت لكن بدون حب متتجوزش ولازم يفهموا إن فيه نقلة في الجواز والهوهوجة دي هتنزل لحاجة أعمق وأثبت زي الود والعشرة.

وتابعت: الست بتعمل مجهود كبير زي الراجل، تشتغل وبتودي الولاد المدارس وبتوديهم النادي وبتروح تعمل الأكل فلازم يساندوا بعض عشان الدنيا تمشي، بس الولاد مش فاهمين كدة عايزين زي ما ماما عودتهم بس دي مش أم دي زوجتك بيكون صعب عليها لأنها كدة هتعمل مجهود مضاعف.. الستات عندها تفاصيل كتير وشايلة كتير بس الناس تتناغم.

أخر أعمال حنان يوسف

من ناحية أخرى، كانت أخر أعمال الفنانة حنان يوسف، مشاركتها في مسلسل المشوار، الذي عرض ضمن السباق الرمضاني 2022، ودرات أحداثه حول ماهر، الذي يضطر لترك البلد رفقة زوجته ورد وابنه رحيم هربًا من رجل الأعمال وتاجر الأثار وجيه ويستقر عند خالته في منطقة الماكس بالإسكندرية في محاولة لإخفاء سره الكبير عن أعين الناس

ويعد مسلسل المشورا من بطولة النجوم محمد رمضان وأحمد كمال، بيومي فؤاد، أحمد مجدي، أحمد صفوت، ندى موسى، ولاء الشريف، ثراء جبيل، وغيرهم من الفنانين، والعمل من تأليف محمد فريد، وإخراج محمد ياسين.