حنان يوسف: الكسل سبب انفصالي عن جوزي وعمري ما عليت صوتي عليه

تحدثت الفنانة حنان يوسف عن سبب انفصالها عن زوجها عصام السيد وهل كان ذلك الانفصال بسبب دخولها مجال التمثيل أم لا، وذلك خلال حلولها ضيفة على برنامج “كلام الناس”، المذاع على قناة mbc مصر وتقدمه الإعلامية ياسمين عز.

تحيا مصر يرصد في ذلك التقرير تصريحات حنان يوسف عن علاقاتها بزوجها

حنان يوسف عن انفصالها: خدت الموضوع على كرامتي وأخدت رد فعل غلط

قالت حنان يوسف: سبب انفصالي مشاكل عادية متحملنهاش وكنا فاكرين إن الحب هيفضل موهوهج بسبب الروتين دخلنا في ملل وضيق فكان الأريح ليه وليا ولإبننا إننا ننفصل، وهو شخص طيب جدا وواقف مع أحمد وقفة رجالة، وممكن أنا أكون معملتش مجهود في العلاقة لأن خدت الموضوع على كرامتي فأخدت رد فعل غلط.

وأضافت: عمري ما عليت صوتي على جوزي ولا زعقت.

حنان يوسف: بدأت التمثيل وأنا عندي 30 سنة

وتطرقت حنان يوسف بحديثها عن بدايتها في التمثيل، فقالت: مكنتش بمثل طالبة وبعيش وبشتغل وبتجوز، وابتديت تمثيل وأنا عندي 30 سنة، كنت بدور على شغل عادي في القاهرة ليا جماعة صحابي صمموا اني أمثل وودوني المسرح وبعدها الحاجات جرت بعضها.

وتابعت: ومن وأنا صغيرة وأنا بتقمص شخصيات كنا بنعمل الأدوار اللي احنا شايفنها، وكنا بنقلد مدرسين وبستخدم طريقة ماما وقعدتها، وكنت خايفة من دور سجن النسا، ومكنتش ضامنة ردود فعل الشارع لقتهم بيتصوروا معايا واتطمنت من ساعتها.

وأضافت: مليش أصدقاء مقربين من الوسط الفني لأني بصور وأروح معدا ماجدة منير معايا من زمان من أيام المسرح وهنهاد أبو العنين.

حنان مصطفى: ابني هيعمل فرحه في المدرسة

وكشفت حنان مصطفى عن علاقتها بخطيبة ابنها، فقالت: متضايقة أوي إن هو هيمشي بس أنا بحب خطيبته جدا وهما بيحبوا بعض من زمان، ومامتها بتقولي أحمد اللي مربيها فاطبعوا على بعض ومينفعش اي حد يدخل بينهم، هما عرفوا بعض في المدرسة فقرروا إنهم يعملوا فرحهم في المدرسة.

وسبق وأن قالت حنان يوسفعن علاقتها بـ نجلها: “عمري ما زعقتله ولا ضربته ولا قولتله عيب ولا حرام، كان كل هدفي انه ميأذيش نفسه ومخسروش وسيبته كدة وطلع زي الفل مهذب وخلوق ومحترم”.