الستات فكراني خطافة رجالة ومعملتش أدوار مبتذلة.. تصريحات ميسرة في نص الكلام

حلت الفنانة ميسرة ضيفة على برنامج “نص الكلام”، المذاع على قناة النهار وتقدمه الإعلامية رغدة شهلوب، وصرحت خلاله عدد من التصريحات الجريئة، ينقلها تحيا مصر في هذه السطور.

تصريحات ميسرة في نص الكلام

• الستات بتخاف مني وكانت فكراني خطافة رجالة بسبب الأعمال اللي كنت بقدمها.
• معملتش أدوار مبتذلة كان أخرى أعمل رقاصة أو فتات ليل بس مطلعتش في أدوار ساخنة يعني.
• مشهدي مع عادل إمام في السرير كنت أنا لوحدي وهو لوحده.
• تربيتي كانت ديينية وبصلي وعلاقتي بربنا كويسة الحمدلله.
• أمي أما شافت مشهدي مع عادل إمام إدتني كلمتين في عضمي بس فهمتها إن ده شغل ومفيش المشاهد دي وإحنا بنصورها.
• معظم الرجالة عندهم انفصام شخصية وبيقبلوا لنفسهم اللي مش بيقبلوه لمراته.
• لو حبيت راجل واقتنعت بيه ومراته مقصرة معاه ممكن أتجوزه ولازم أخد مواقفة مراته الأولى مش هتجوز من وراها.
• الست ممكن توصل لسن يبقى عندها تشبع من الراجل ومتفرغة لعيالها بس فبيضر الراجل يدور على غيرها.
• نادية الجندي محذفتش مشاهد ليا في مسلسل مشوار إمرأة والكلام ده مغلوط.
• راحت عليا فترة الخلفة والجواز فدلوقتي هتجوز ليه.
• عمري ما صرفت على راجل وأنا ضد ده خالص ولو صرفت على راجل ينزل من عيني مش هحترمه.
• ظافر العابدين به مواصفات الرجل اللي بيعجبني، وهند صبري أفضل ممثلة أجنبية تمثل بمصر.
• حورية فرغلي غلطانة في موضوع عمليات التجميل ومصبرتش على نفسها، وأصالة احلوت أكثر بعد التجميل من إليسا.
• بطلت أنفخ خدودي بعد اللي حصلي في عمليات التجميل

معلومات عن الفنانة ميسرة

جدير بالذكر، ميسرة هي مطربة وفنانة مصرية من أصل لبناني، بدأت حياتها كمغنية بعدما رشحها الموسيقار حلمي بكر لتأتي إلى مصر، وبعد أن نالت شهرة من الغناء اتجهت إلى مجال التمثيل للوقوف أمام نخبة من نجوم الوسط الفني منهم الفنان عادل إمام والفنان تامر حسني في فيلم عمرو وسلمى 2 أمام الفنان مي عز الدين، فضلا عن العديد من الأعمال التمثيلية الأخرى، وشهرت ميسرة بأدوار الإغراء في دور راقصة أو فتات ليل وغيرها.