رامي صبري: ابني محوش 30 ألف جنيه وهو 10 سنين وكنت خايف من نجاح "حياتي مش تمام"

حل الفنان رامي صبري ضيف على برنامج “سهرانين"، الذي يقدمه الفنان أمير كرارة عبر شاشة قناة أون، والذي تحدث خلاله بعدد من التصريحات الجريئة والمثيرة للجدل، يرصدها تحيا مصر في ذلك التقرير.

رامي صبري: كنت خايف من نجاح أغنية حياتي مش تمام

قال رامي صبري عن نجاح أغنية “حياتي مش تمام”: كنت خايف من الأغنية دى في البداية لأنها جت بعد ألبوم فارق معاك 2019، فقولت هانتج لنفسى وكفاية شركات إنتاج وأجرب حظى، اجتمعت مع عزيز الشافعى وقلتله أنا عاوز أعمل أغنية وقالى على أغنية حياتى مش تمام، وعجبتنى بس حسيت إنها مش شبهى، وقولتله هاجربها وغنتها عندى وسمعتها لأصحابى وزوجتى واهلى، وكل لما حد يسمعها يقولى جميلة، غير لما تعمل أغنية ومحدش يقول حاجة.

رامي صبري: كورونا ساعدت على نجاح أغنية حياتي مش تمام بشكل مش طبيعي

وتابع رامي صبري: أنا بحب الجراءة في الأغانى وبقول مش هاخسر حاجة، ونزلت الأغنية وبدأ فيروس كورونا، وقولت خلاص الأغنية وقعت، ولكنى تفاجأت أنها من 3 ملايين طلعت إلى 30 مليون مشاهدة في شهر واحد، واكتشفت إن في تريند احنا خاصمنا الشوارع، فبجد كورونا ساعدتها بشكل مش طبيعي.

رامي صبري: بدأت أحس بالفن وأنا عندي 4 سنين

وعن بدايته الفنية، فقال: “بدأت أحس موضوع الفن وأنا عندى 4 سنين كنت بقعد أهز راسى مع تيمبو الأغنية وهى شغالة، ولما بقى عندى 10 سنين بقيت أغنى عادى،و كنت علطول قاعد مع أستاذ الموسيقى في غرفة المزيكا، ولما كبرت دخلت معهد الموسيقى العربية ودخلت قسم تاليف، وبقيت فاهم كويس في الموسيقى، وهو أصعب قسم في المزيكا في العالم كله، وقعدت في 6 شهور وسيبته”.

رامي صبري: ابني محوش 30 ألف جنيه وهو 10 سنين

وتحدث رامي صبري عن طفليه، فقال: "لدي طفلين توأم بعمر 11 سنة، شخصيات الاثنين عكس بعض تمامًا، وأحدهما يحب تجميع الأموال والآخر لا تهمه الفلوس نهائيا، عمر ابني عنده حصالة محوش فيها 30 ألف جنيه بيجي لي ياخد مني الفلوس 100 دولار أو 1000 جنيه، حد يديله 4 أو 5 آلاف جنيه وبيحوشهم، والتاني مش عاوز فلوس".

يذكر، أن أخر أعمال الفنان رامي صبري طرح أغنية “انت الأصل”، والذي تعاون به مع الملحن عزيز الشافعي كما أعتمد رامي صبري على كلمات الشاعر تامر حسين، وحققت نجاحات ساحقة منذ طرحها على موقع الفيديوهات الشهير يوتيوب.