أحمد أدم: كرامتي متسمحليش إني أجري ورا ست ومراتي من النوعيات النادر حدوثها

نفي الفنان أحمد أدم ما تم تداوله بشأن حبه لـ فنانة شهيرة من طرف واحد، مشيرا إلى أن كرامته لا تسمح له بفعل ذلك وإذا تواجد الحب يجب أن تعترف السيدة به أولا.

تحيا مصر يرصد في ذلك التقرير تصريحات الفنان أحمد أدم عن زوجته

أحمد أدم: كرامتي متسحمليش أحب من طرف واحد

وأوضح أحمد أدم حديثه خلال برنامج “حبر سري”، المذاع على قناة القاهرة والناس وتقدمه الإعلامية أسما إبراهيم: لا يمكن أن أحب من طرف واحد، وكرامتي متسمحليش والمشاعر لازم كانت بتبدأ منهم عمري ما روحت قولت لواحدة بحب، وأكيد لو حصل هتكون هي اللي بدأت وكدة، مفيش راجل بيكون عايز يجيب ست الست لو حبت هي اللي بتجيبه.

وتابع: أنا ليا أصدقاء بنات دلوقتي أكتر من الشبان وفيه منهم اللي جوزتهم على إيدي لاني عرفت أفرق بين الصداقة والحب.

أحمد أدم عن زوجته: الاختيار الصح اللي منتدمتش عليه ولا هندم

وتطرق أحمد أدم بحديثه عن زوجته، فقال: مراتي أعرفها من أيام الجامعة ومرينا بكل حاجة مع بعض وهي الوحيدة اللي حبتها ومقولتلهاش لأني كنت خايف من الخطوة كنت حاسس إن ممكن الجواز يعطلني عن مشواري الفني، وقولتها شوفي حد غيري لكن هي اجتهدت وحاولت وهي من النوعيات النادر حدوثها وكانت الإختيار الصح اللي مندمتش عليه في حياتي ولا هندم.

وأضاف: كنت بجهز لـ سفر برة عشان فرصة في التمثيل أخدت الباسبور وقطعته ووقتها قولتها إنتي بتضيعي نفسك هتفضلي قاعدة، أنا مش ناقصك وبتضيعي عليا فرصة حياتي.. قالتي انت هتبقى نجم هنا في البلد دي وإحنا مع بعض وفعلا بعدها لقيت محمد صبحي جه شافلي مسرحية وبدأت أشتغل في الفن في مصر وربنا كرمني.

أحمد أدم ومنة شلبي

جدير بالذكر، أنه أثار أحمد أدم الجدل في البرومو الرسمي لحلقته ببرنامج حبر سري، وذلك بعد رده عن الأخبار التي تدوالت بشأن بكاء الفنانة منة شلبي في غرفتها بسبب ندمها في العمل مع أحمد أدم في “فيلم هندي”، وتصريحها “أنا استاهل ضرب الجزمة إني اشتغلت معاه”، قائلا: لو كنت سمعتها كنت  فتحت الأوضة وقولتلها  أنا اللي ندمان إني اشتغلت معاكي.