أحمد أدم: ويجز عمل طفرة كبيرة زي سيد درويش وهذا سبب عدم نجاح بعض أعمالي

حل الفنان أحمد ادم ضيف على برنامج “حبر سري”، المذاع على قناة القاهرة والناس وتقدمه الإعلامية أسما إبراهيم، والذي كشف خلاله عدد من التصريحات.

يرصد تحيا مصر في ذلك التقرير تصريحات أحمد أدم في حبر سري

تحدث أحمد أدم عن جو اسكندرية الخلاب ودوره في إخراج عدد من الفنانين والعلماء، فقال: اسكندرية مدينة كانت بتتسمى مدينة الله العظمى وطلع منها علماء كتير ومر عليها حضرات كبيرة، وأنا صغير كنت بحس إني ماشي في متحف وكنت بحس إني مولود وسط الأسطور نفسها، بتلاقي متحاف والمسرح الروماني اليوناني، والبحر وكل ده مختلط ببعضه تحسي إن فعلا اتودلنا في المدينة العظمى، دي كلها ممكن تسخر فنان.

أحمد أدم: العامل المشترك بين سيد دوريش وويجز الطفرة اللي عملوها 

وتابع كاشفا عن رأيه في ويجز: العامل المشترك بين سيد دوريش وويجز الطفرة اللي عملوها سيد درويش عمل طفرة وكان بيمسى فنان الشعب لأنه قريب للجمهور ومطالبهم وكانت أغانيه كلها بتشجع على التخلص من الإستعمار أما عن ويجز عامل تراب مش راب وهي المزيكا الجامدة اللي بيصاحبها كلمات مش مفهومة.

أحمد أدم يكشف عدم نجاح بعض أعماله 

وتحدث أحمد أدم عن عدم نجاح بعض أعماله، فقال: فيلم 200 جنيه جاب إيرادات كويسة، وفيه أفلام بتنزل بتجيب إيرادا عالية جدا وفي النهاية هي بتبقى ظروف وحظوظ وترتيبات كتير بيتدخل في الحكاية، لكن الفيلم الكويس بيفرض نفسه.

أما عن فيلم صابر وراضي، فقا:  متعرضش اتعرض 3 يوم واتشال عشان قالوا إنه متاخد من فيلم فرنساوي وكأنه الفيلم الوحيد اللي متاخد من فيلم أجنبي.

أحمد أدم: كواليس عملي مع محمد فؤاد كانت مهازل 

وعن فيلم مع الفنان محمد فؤاد: الفيلم أما اتعرض في التليفزيون الناس حبته وكتير كلمني عن الفيلم ده وهو نفسه كان حلو ومصنوع صناعة حلوة لكن إيرادات أكيد ممكن يكون بسبب الأفيش أو التريلر أو كدة، الكواليس لو كانت اتعرضت كانت هتحقق نجاحات أكتر، واللي حصل جوة الكواليس كانت مهازل والناس كانت ممكن تفكر هزاري أنا ومحمد فؤاد هيتفكروا انها خناقة

وكشف أحمد أدم عن سبب عدم نجاح الأفلام ذات البطولات الجماعية، فقال:الحاجات دي مش بتاخد حقها في النجاح زي ما نتوقع، فيه لغز بيكون من الجمهور محدش فاهمها، الفيلم اللي فيها البطل الواحد بينجح عن فيلم نفس البطل في مجموعة.