هشام عباس: دخلت مجال الغناء بالصدفة وطول الوقت كنت شايف نفسي مهندس بس

تحدث المطرب هشام عباس عن بدايته في عالم الفن، مشيرا إلى أنه لم يفكر إطلاقا بأن يكون مطرب أو يدخل هذا المجال من الأساس فكان هدفه وهدف والده بشكل أساسي أن يعمل في مجال الهندسة.

تحيا مصر يرصد في ذلك التقرير بداية هشام عباس الفنية

هشام عباس يتحدث عن بدايته

وأوضح هشام عباس خلال حلوله ضيف على برنامج أنغام المذاع على قناة dmc: كنت بغني الأغاني اللي أنا سمعتها بتاعة أي حد ولوحدي، زي فطومة، ووقتها كان عندي 4 أو 5 سنين، وفي 67 وقت الحرب عبد الحليم لم غنى أغنية فدائي، وأنا كنت بحب عبد الحليم وأي مزيكا بتتعمل، وفي بيت أهل مامتي كان عندي خالي بيلعب مزيكا وكنت بغني معاه، وبقيت أحفظ أغاني كتير لحد ما دخلت المدرسة كنت بغني في الفصل بين الحصص وكنت بحب أغاني أحمد عدوية وحافظها كلها، وعمري ما تخيلت إني أبقى مغني أنا مهندس زي بابايا.

هشام عباس: حميد الشاعري كان لذيذ معايا في أول مقابلة وحبيته أوي

وتابع: بعدها روحت أشتغل في هندسة الصوت وفجأة بقيت بغني وبدأت أغني في فرقة وإعلان وكدة بس كنت لسة مصر اني هشتغل في هندسة الصوت لأن بابا كان ده الأساس عنده أشتغل مهندس مع موهبة الغناء، وقابلت حميد وكنت بسجل لمصطفى السقا وقابلت هناك حميد، وسمعني أغنية الله يسلم حالك وادهالي أغنيها في ألبومي ووزعها وكان لذيذ أوي أنا حبيته وطارق الكاشف حبه جدا، وبعدها قالنا هنعمل ألبوم وهنعمل فرقة عشان تغني بقى وكدة.

هشام عباس: كنت بسجل لـ عبد الوهاب عشان أتعلم منه

واختتم هشام عباس حديثه، قائلا: الفكرة إنه فيه ناس كانت بتحارب عشان تعمل الي أنا مبفكرش أعمله، وبعد ما عملته بقيت بتعب الموضوع مطلع سهل خالص، وبدأت أجيب عبد الوهاب وأسمعه وأحفظ هو بيعمل ايه عشان أقلده من حبي فيه، وفي موال كنت استحالة أعرف أعمله وقعدت أحفظ فيه كتير جدا، ووصلت إني بسجل الشريط على الكاست من 5 لـ 10 مرات ورا بعض عشان أسمعهم ورا بعض.