الرئيس السيسي:« الصعيد لا كان مهمش ولا متنسي.. بس البلد مكنتش قادرة»

قال الرئيس عبدالفتاح السيسي، أن الصعيد لم يكن مهمش ولا منسي لكن الدولة لم تكن قادرة، معقبا : "لسه بدرى .. في قرية أبو دومة قالوا إن الصعيد كان مهمشا وبيتنسى.. وانا بقولكم لا.. الصعيد ماكنش مهمش ولا منسى.. البلد مكنتش قادرة بس".
تحيا مصر

جاء ذلك في كلمته خلال افتتاح عدد من المشروعات بمحافظة سوهاج.

أضاف الرئيس السيسي: "لازم نحترم عقول بعض، ونكون موضوعيين وصادقين في التقدير والتقييم لواقعنا ونعرف ليه واقعنا كده؟ علشان البلد مش قادرة .. ومكنتش قادرة .. طيب اللى بيتعمل ده؟ قبل كل شيء توفيق ربنا سبحانه وتعالى .. وبعدين محاولة لتطوير الفكر علشان كده متحمس قوى ليكم ومتحمس دايما للفكرة، و البلد اللى ظروفها ا مش متيسرة قوى معندهاش غير الفكرة والحلم والعمل".

الرئيس السيسي: يجب أن نسعى نحو أحلامنا وأن نصدق أننا نستطيع تحقيقها

وتابع الرئيس عبد الفتاح السيسي، أننا يجب أن نسعى نحو أحلامنا وأن نصدق أننا نستطيع تحقيقها، مؤكدا أن الطرق لا يزال طويلا لتحقيق حلم التغيير في ربوع مصر.

وأضاف الرئيس السيسي: الحكومة مطحونة جدا والـ 7 تريليون اتصرفت على الاستثمار وحياة كريمة، معقبا:" الصعيد لا كان مهمش ولا متنسي.. بس البلد مكنتش قادرة".

وتابع الرئيس السيسي: اللي قبل مننا كانوا عايزين يعملوا بس مقدروش يعملوا علشان مفيش، مضيفا:" 7 تريليون جنيه ولا حاجه.. والبلد دي عايزة 70 تريليون جنيه".

وأكد الرئيس السيسي، أن تطوير الطرق ضرورة  لتحقيق مشروعات التنمية.

هذا و تفقد الرئيس عبدالفتاح السيسي، قرية أم دومة بمركز طما إحدى قرى حياة كريمة التابعة لمحافظة سوهاج.

وقال الرئيس عبدالفتاح السيسي، أثناء كلمته خلال تفقد الرئيس عبد الفتاح السيسي، قرية أم دومة بمركز طما: الصعايدة جدعان بجد وأهل عزة وشهامة ومروءة.