رحمة حسن عن معجب: بيبعت رسائل غريبة ومتتبع الأماكن اللي بروحها

كشفت الفنانة المصرية رحمة حسن عن معجب يتتبعها طوال السنتين الماضيتين ويرسل لها رسائل غريبة.

تحيا مصر يرصد شكوى رحمة حسن من معجب. 

وكتبت عبر حسابها الرسمي بموقع تبادل الصور والفيديوهات القصيرة إنستجرام: الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات، لو نزل صورة أو حاجة معاهم وحتي الناس اللي بشتغل معاهم أو أصحابي في العادي.

وتابعت: بيدخل يدور علي الاكونتات بتاعتهم ويبعتلهم أغاني وحاجات غريبة، ويسأل عني أنا فين وبروح فين، متتبع الاماكن اللي بروح فيها ومش عارفة بيعرف منين.. أنا بقالي سنتين علي الحال ده آخرها المكان اللي كنت مفروض أروحه بكرة علشان شغل.

جدير بالذكر، أن كتبت الفنانة رحمة حسن عبر صفحتها الرسمية بموقع التواصل الاجتماعي لتبادل الصور والفيديوهات انستجرام خلال الأيام الماضية: “أنا حقيقي تعبانة ومتأزمة جدا.. وکوابیس ومش عارفة حتي اقرب من القطة بتاعتي وألعب معاها لاني خايفة عليها لحد ما اخلاص العلاج.. النهاردة اخدت الجرعة التانية”.

حالة رحمة حسن الصحية

وأضافت: “و لسه هكمل طبعا ده غير وجع الجرح حقيقي .. اللي عوزة اقوله ان فعلا لو بعد شهر ما حصلش حاجه تخص الكلب و علاجه و تغیر سلوكة و عدم نزوله بدون كمامة.. انا هروح اخد موقف قانوني لاني فعلا تعبانة جسديا و نفسيا جدا جدا”.

واختتمت: “وخايفة جدا يحصل ده لحد تاني و اكون انا السبب اني ماخدتش موقف"، وتفاعل معها الجمهور والمتابعين وأصدقائها من داخل وخارج الوسط الفني من خلال خاصية التعليقات.

إصابة رحمة حسن

يشار أن الفنانة رحمة حسن كانت قد كشفت عن تعرضها للعض من قبل أحد الكلاب بالقرب من منزلها، وقالت عبر صفحتها: “مساء الخير..امبارح الساعة 11 بليل كنت نازلة اجيب حاجة من السوبر ماركت جمب البيت ،وكنت ماشية علي الرصيف وكان في عربيه بتركن جمبي عادي ، فجاه الباب اتفتح ولقيت كلب (جيرمن شيبرد) تقريبا مَش متاكده اوي”.

واستكملت: “بيهجم عليه بكل قوته ،طبعا حاولت اجري لكن للأسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضة كبيره وغويطة بنابه في منطقة حساسة”.

وتابعت الفنانة رحمة حسن كواليس إصابتها في الشارع، قائلة: “صاحبه الكلب كتر خيرها اخذتني فورا علي مستشفي امبابة ادوني حقنه تطعيم الكلب ولسه فاضلي ٤هاخدهم خلال شهر، بس المشكلة ان من امبارح الجرح بينزف دم كتير ،وانا طبعا خايفة ومصدومة".