علاء مرسي يعتذر عن مسرحية «كازينو بديعة» لهذا السبب

أصدر الفنان علاء مرسي بيان يعلن فيه اعتذاره عن مسرحية "كازينو بديعة" بطولة النجمة سمية الخشاب، والتي تعرض حاليا على مسرح ماركيه كايرو فيستفال.

تحيا مصر يرصد اعتذار علاء مرسي عن مسرحية كازينو بديعة. 

وقال مرسي فى البيان: اعتذرت عن المسرحية بسبب انشغالي بأكثر من عمل أخر ، وأتمنى لهم التوفيق في القادم ، فالعرض أكثر من رائع وملئ بالكوميديا ، وأحمد الإبياري من أفضل صناع المسرح في مصر والعمل معه شرف لأي فنان مصري.  

وتابع: سعيد لأني قمت بالعمل في هذه المسرحية حتى لو فترة زمنية قصيرة ، فأنا من عشاق مسرح الأبياري ، ولكن العمل المسرحي يشغل وقتي بأكمله ولا يجعلني أتفرغ للسينما والدراما ، مشيرا أنه  متعاقد علي أعمال قادمة يجب التفرغ لها.

صرح الفنان علاء مرسي عن تعرضه لموقف مخيف أثناء تصويره بإحدى المقابر، وأثر الشائعات على أسرته، وذلك خلال لقائه ببرنامج واحد من الناس مع عمرو الليثي.

علاء مرسي عن شائعات وفاته: “حاجة مزعجة”

وقال علاء مرسي: الإشاعات سخيفة وبتخض، وبنتي كلمتني في مرة وأنا برا مصر وكانت مخضوضة، والخبر ده مزعج جدًا للأهل.

وعن تعامله مع التعليقات السلبية، قال: الكومنتات القاسية دلوقتي بشتمهم، والسوشيال هي نعمة لكن الشباب خدوها غلط، وأنا مبهتمش بيها.

علاء مرسي يصور في المقابر

وحكى موقف تصويره في المقابر، قائلًا: دخلت مقبرة حقيقه الساعة 12 بالليل أنا ومحمد رياض، وسابوني وكانوا مفهميني إن المقبرة نضيفة وحطولي كاميرا في عين.

وأضاف: أنا مبخافش بس بخاف، يعني مش لدرجة إنك تقفل عليا التربة والدنيا ضلمة، فضلت اقولهم يا جماعة يلا، فجأة لاقيت واحد بيقول ايوه ياستاذ علاء ساعتها صرخت صرخة وجريت.

علاء مرسي يكشف قصة حبه لزوجته

وبخصوص قصة حبه مع زوجته قال علاء مرسي: اتجوزت مراتي عن حب، لأني بحب الحب، ولما قابلتها كانت خريجة معهد موسيقى بس مكنتش عايزة تشتغل في هذا المجال، وروحت بيها لأمي قولتلها أنا بحبها وهتجوزها.

وعن حقيقة تصريحاته بخيانة زوجته، قال: أنا بحب الستات جدًا، لكن مقدرش اخونها عشان هتضرب علقة ما يعلم بيها إلا ربنا، وأنا مريض بأمي عشان كده أي ست بتاخدني، ومدخلتش في معاصي وبحب الحب المطلق.

وتابع علاء مرسي: أنا كنت بقول لمراتي كل حاجة، وهي ست فضلت في ضهري، وعايز أقولها أنا بحبك جدًا وأنا عارف منزلتي عندك، وبقولك سامحيني على أي خطأ.

علاء مرسي: قصرت مع أسرتي

وعبر علاء مرسي عن حزنه الشديد بسبب تقصيره مع أسرته، قائلًا: مكنتش بفسح ولادي ولا زوجتي حتى لو فاضي، عشان أنا قليل الخروج وبحكم مهنتي بعدت عن الأسرة إني أقوم بالواجب على أكمل وجه.

وتابع عن رفضه لأدوار الشرف، قائلًا: قولت مش هعمل ضيف شرف تاني، وكنت بروح عشان اقفل مع صحابي ومبياخدوش فلوس، وفي أعمال كتير اشتغلتها ببلاش حتى لو محتاج فلوس.