خاص| طارق الشناوي عن رفض النص المقدم لمسرحية الشعراوي: حجج واهية والغضب الشعبي السبب

كشف الناقد السينمائي طارق الشناوي عن رأيه في تقديم مسرحية تجسد السيرة الذاتية للشيخ محمد متولي الشعراوي وعرضها على المسرح القومي.

تحيا مصر يرصد لكم تصريحات طارق الشناوي

وقال طارق الشناوي في تصريح خاص لموقع تحيا مصر: ضربة البداية غلط جدًا، ولما يتقال أن هيتعمل سيرة ذاتية في اسماء كتير، و اختيارهم للشيخ الشعراوي يخوفنا من القادم والعقل المهيمن لا يرى خطوة أبعد من تحت قدميه ولازم نتحرر من ده.

وتابع: الدولة يجب أن هي يبقى عندها فكر عميق في الاختيار وهدف أبعد  وتنتقي اللي هدعمه وتبدء بيه الرحلة، وبالذات في السير الذاتية.

وكشف طارق الشناوي أن مدير المسرح القومي رفض النص المقدم للمسرحية موضحًا: دي كلها حجج واهية لانهم كانوا متفقين على النص والفنان كمال أبو راية اللي هيلعب الدور.

طارق الشناوي: العيب في اختيار من نقدم عنه السيرة الذاتية

واستكمل: لما لقوا في غضب شعبي محبوش يبقوا صرحاء مع نفسهم وقالوا العيب في النص لكن العيب مش في النص  والعيب في اختيار من تقدم عنه السيرة الذاتية.

وكشف الشناوي: مفيش تقدير ادبي للخطوات الثقافية اللي بتتعمل ومفيش فلسفة لما يجب أن يُقدم للناس والموضوع عشوائي واللي فكر في الشيخ متولي الشعراوي فكر فيه أنه نجم وهو نجم وليه  شعبية في الشارع لأن صوره لغاية دلوقتي على المكروباصات والتكاتك ومتغلغل في البيئة الشعبية.

طارق الشناوي: مش محتاجين الفكر الظلامي للشيخ الشعراوي

أضاف: فكر الشعراوي مش محتاجينه في العصر الحالي ومحتاجين فكر معاكس للفكر الظلامي اللي كان بيعبر عنه الشيخ الشعراوي لان افكاره رجعيه وكرهيته للمختلف دينيًا كانت واضحة جدا وتزمده وكان ضد العلم وليه احاديث انه ضد العلم، والشيخ الشعراوي كان ضد المسيحيين وليه احاديث بيتكلم أن لو وقع بعوضه او ذبابه وقع في شاي لو جناح واحد ضع الجناح  الاخر لان في جناح داء والجناح الاخر دواء.

طارق الشناوي: الشعراوي فكره رجعي

واستكمل: فكره رجعي جدا وكان ضد نقل الاعضاء وكان ضد الغسيل الكلوي وبيقول أن الانسان ليه يعمل غسيل كلوي عشان يأخر لقائه بربنا، بس أنا مش بنكر اجتهاته وبلغاته اللغويه واسلوبه لكن اختلف مع افكاره.