محمد حماقي يكشف أسرار بدايته بفترة التسعينات: مدكور قالي خش الأستوديو وعيش

تحدث الفنان محمد حماقي عن بدايته الفنية في المرحلة الجامعية بفترة التسعينات، ومساعدة طارق مدكور له في كل الخطوات، وذلك خلال سهرته الخاصة مع إسعاد يونس. 

تحيا مصر يرصد لكم تصريحات محمد حماقي عن بدايته الفنية

وقال محمد حماقي: في نهاية التسعينات، اني اتقابلت مع طارق مدكور سنة ١٩٩٥ ولما عرفت في الكلية اني هبقى مدرس موسيقى وانطلقت لغاية قابلته واقتنع بيا وقالي تعالا خليك معانا. 

محمد حماقي: طارق مدكور قالي خش الاستوديو وعيش 

وتابع: وفي شوية مراحل تانية زي باند مع صحابي ودي مرحلة غنا اللايف، في مرحلة الاستوديو اللي كان محتاج تمرين وتجهيز وكنت قاعد مع طارق مدكور يعمل لعمرو دياب اخش اسجل فيها لمصطفى قمر اخش اسجل، وقالي خش عيش. 

وأضاف حماقي: وفي الوقت ده كنت انا او مصطفى قمر صحاب، وقالي ممكن تطلع معايا الحفلة دي، وقولتله ماشي بس معنديش باسبور وطلعت معاه وفي البروفة فضلت اسرح لحد ما وقفت قدام وقولتله المنظر رهيب قالي انت هتيجي في يوم من الايام هنا.

محمد حماقي وبكائه في ذا فويس 

وفي الحلقة ذاتها تحدث محمد حماقي عن سر بكائه في إحدى حلقاته ببرنامج ذا فويس، وقال: لو اتأثرت ممكن اعيط ومبخبيش وممكن الاقي نفسي فجأة بعيط، وعيطت في ذا فويس بسبب احلام. 

وتابع: واللي حصل ان في صوت حلو غنى ولما لفيت مكنتش متوقع انها على كرسي متحرك وروحت قعدت جنبها على الأرض ولما جت تختار اختارتني واتأثرت لما اختارتني واتخطفت ومشاعري لعبت. 

وأضاف حماقي: وروحت قعد على الكرسي وأنا على شعره واحلامي حست وبهرب لا حد ينكشني، وبصتلي بصة اللي هو انت اتأثرت ولما قامت من الكرسي عشان تجيلي انا بوظت ووقفنا شوية لحد ما اسكت ومكنتش عارف.

محمد حماقي وقصة أغنية ما بلاش 

أما عن تفاصيل اللقاء الأخير مع والده، قال: كان في يوم عندي حفلة و بطني مضايقاني وانا وبغني وخلصت غنا وخرج هو وامي من القاعة وبعدين وقف هزر معاه وطلع ملبس وقالي خد حلي بوقك ومشي، كان بالليل، وبعد ما مشي كلمني في التليفون واطمن عليا. 

وتابع: و ٩ الصبح جالي تليفون انه اتوفى، ودي كانت مرحلة وحشة وكان عندي لحن قبل ما ابويا يتوفى من تامر علي وكاتب كلمتين اللي هما اول اتنين كوبليه.

وأضاف حماقي: وقعدت فترة طويلة مبنزلش من البيت وأمير طعيمة فضل يكلمني عشان يخرجني وجه في يوم تحت البيت ونزلت ركبت معاه العربية وقعد يقولي الكلام اللي الصحاب بيسندوا بعض فيه. 

وأردف: وقولتله عندي اغنية عايزة تكتبها، وكتب اللقاء الاخير اللي بيني وبين ابويا في الاغنية وانا استغربت هو وصل كده ازاي.