محمد حماقي عن سر بكائه في ذا فويس: أحلام هي السبب

تحدث محمد حماقي عن سر بكائه في إحدى حلقاته ببرنامج ذا فويس، وذلك خلال حواره مع صاحبة السعادة إسعاد يونس عبر دي إم سي. 

تحيا مصر يرصد لكم تصريحات محمد حماقي مع صاحبة السعادة 

محمد حماقي: أحلام هي السبب 

وقال محمد حماقي: لو اتأثرت ممكن اعيط ومبخبيش وممكن الاقي نفسي فجأة بعيط، وعيطت في ذا فويس بسبب احلام. 

وتابع: واللي حصل ان في صوت حلو غنى ولما لفيت مكنتش متوقع انها على كرسي متحرك وروحت قعدت جنبها على الأرض ولما جت تختار اختارتني واتأثرت لما اختارتني واتخطفت ومشاعري لعبت. 

محمد حماقي: وقفنا تصوير شوية عشان مكنتش عارف اسكت من العياط 

وأضاف حماقي: وروحت قعد على الكرسي وأنا على شعره واحلامي حست وبهرب لا حد ينكشني، وبصتلي بصة اللي هو انت اتأثرت ولما قامت من الكرسي عشان تجيلي انا بوظت ووقفنا شوية لحد ما اسكت ومكنتش عارف.

محمد حماقي وقصة أغنية ما بلاش 

وفي الحلقة ذاتها تحدث حماقي عن تفاصيل اللقاء الأخير مع والدها، قائلًا: كان في يوم عندي حفلة و بطني مضايقاني وانا وبغني وخلصت غنا وخرج هو وامي من القاعة وبعدين وقف هزر معاه وطلع ملبس وقالي خد حلي بوقك ومشي، كان بالليل، وبعد ما مشي كلمني في التليفون واطمن عليا. 

وتابع: و ٩ الصبح جالي تليفون انه اتوفى، ودي كانت مرحلة وحشة وكان عندي لحن قبل ما ابويا يتوفى من تامر علي وكاتب كلمتين اللي هما اول اتنين كوبليه.

محمد حماقي: أمير طعيمة كتب اللقاء الأخير مع أبويا في ما بلاش 

وأضاف حماقي: وقعدت فترة طويلة مبنزلش من البيت وأمير طعيمة فضل يكلمني عشان يخرجني وجه في يوم تحت البيت ونزلت ركبت معاه العربية وقعد يقولي الكلام اللي الصحاب بيسندوا بعض فيه. 

وأردف: وقولتله عندي اغنية عايزة تكتبها، وكتب اللقاء الاخير اللي بيني وبين ابويا في الاغنية وانا استغربت هو وصل كده ازاي. 

وعن ردود الفعل التي وصلته عن الأغنية قال: وفي صديق كلمني قالي ما بلاش دي ايه وقالي مش حاسس انها اغنية وفيها حاجة غريبة وحكيتله ظروفها راح قالي دي مش اغنية.