محمد حماقي: العياط تمرين للمشاعر.. وفيلم black كنت عامل كيسين مناديل بسببه

تحدث محمد حماقي عن حرصه الدائم على إخراج الطاقة السلبية بالبكاء، كاشفًا عن أكثر عمل فني سبب له بكاء شديد، وذلك خلال سهرته مع إسعاد يونس. 

تحيا مصر يرصد لكم تصريحات محمد حماقي عن البكاء

وقال محمد حماقي: فيلم black لاميتاب باتشان واتفرجت عليه وانا عامل كيسين مناديل. 

وتابع: لما بعيط بطمن، وطول الوقت لازم نحرك المشاعر وده تمرين عشان لو مشاعرك سكتت كتير هتسكت خالص، ولو الحاجات دي عطلت يبقى انت عندك مشكلة.

محمد حماقي وقصة أغنية ما بلاش 

وفي الحلقة ذاتها تحدث حماقي عن تفاصيل اللقاء الأخير مع والدها، قائلًا: كان في يوم عندي حفلة و بطني مضايقاني وانا وبغني وخلصت غنا وخرج هو وامي من القاعة وبعدين وقف هزر معاه وطلع ملبس وقالي خد حلي بوقك ومشي، كان بالليل، وبعد ما مشي كلمني في التليفون واطمن عليا. 

وتابع: و ٩ الصبح جالي تليفون انه اتوفى، ودي كانت مرحلة وحشة وكان عندي لحن قبل ما ابويا يتوفى من تامر علي وكاتب كلمتين اللي هما اول اتنين كوبليه. 

محمد حماقي: أمير طعيمة كتب اللقاء الأخير مع أبويا في ما بلاش 

وأضاف حماقي: وقعدت فترة طويلة مبنزلش من البيت وأمير طعيمة فضل يكلمني عشان يخرجني وجه في يوم تحت البيت ونزلت ركبت معاه العربية وقعد يقولي الكلام اللي الصحاب بيسندوا بعض فيه. 

وأردف: وقولتله عندي اغنية عايزة تكتبها، وكتب اللقاء الاخير اللي بيني وبين ابويا في الاغنية وانا استغربت هو وصل كده ازاي. 

محمد حماقي:  صديق كلمني بعد طرح الأغنية وقالي فيها حاجة غريبة 

وعن ردود الفعل التي وصلته عن الأغنية قال: وفي صديق كلمني قالي ما بلاش دي ايه وقالي مش حاسس انها اغنية وفيها حاجة غريبة وحكيتله ظروفها راح قالي دي مش اغنية. 

واستكمل كلامه: وخلاص ولما جيت اصور الاغنية حبيت انقل الاغنية واعملها بالمقلوب وده الشعور اللي بيجي لكل الناس اللي فقدت والدها او والدتها، وحالة الأغنية دي كانت حقيقية مش مصنوعة.

كلمات أغنية ما بلاش 

وتقول كلمات الأغنية:

ما بلاش تغيب عنا تاني
ما بلاش يا سايب اراضينا
ما بلاش تغيب عنا تاني ما بلاش

قولى مين هيملى في يوم مكانك
قولي مين يعوضني حنانك
قولي مين في حزني يقولي مالك
قولي مين

الحقيقه ان الحياه ضحكت علينا
لا الفراق ولا اللقا كانوا بايدينا
لما يومها حضنتني وبعدين مشينا
ليه مقولتش ان ده الحضن الأخير