عمر كمال: بسجل قرآن في الاستديو بتاعي وفي مطرب بيدفع فلوس عشان يسوء سُمعتي

كشف مطرب المهرجانات عمر كمال أنه يقوم بتسجيل قران في الاسدييو الخاص بيه، كما تحدث عن خلافه مع أحد المطربين.

تحيا مصر يرصد لكم تصريحات عمر كمال

وقال عمر كمال خلال استضافته في برنامج حبر سري التي تقدمه الإعلامية أسما إبراهيم ويعرض عبر قناة القاهرة والناس:  بتكون نيتي كويسة لما بروح اغني في ملهى ليلي وبشتغل عشان الناس اللي معايا في الفرقة وزي ما بدخل المكان بطلع منه

عمر كمال: في مطرب مدي فلوس لناس عشان يسوء سُمعتي

وتابع: في صحفي كتب عني كلام يقتلني نفسيًا وكنت هقعد في البيت وكلمته قوتلته ليه تكتب كده ونفسيتي واهلي وقالي ان في مطرب مدي فلوس عشان يسوء سمعتك.

واستكمل: في ناس بتحب تسوء سُمعتي ولما عروسة تختارني أجي في فرحها يقولها ده خمورجي وبيتأخر في مواعيده

وكشف عمر أنه يقوم بتسجيل القرآن في الاستديو الذي يقوم بتسجيل الأغاني فيه وقال: تحت البيت في استديو وأحمد خالد صالح اللي اقترح عليا الفكرة وخليت مؤذن الجامع يسجل القران بصوته في الاسديو بتاعي ودي مش ازدواجية دي صدقة جارية لنفسي.

عمر كمال ينهار على الهواء

وكان قد انهار المطرب الشعبي عمر كمال من البكاء مساء الخميس أثناء غنائه ببرنامج “يحدث في مصر”، الذي يقدمه الإعلامي شريف عامر ويذاع على شاشة تلفزيون قناة “إم بي سي مصر”.حيث قال عمر كمال باكيًا: “أنا تعبت جدا، أفتكرت قد أيه تعبت، أنا بحب الناس جدا وحسيت السنة دي الناس ظلمتني جدا، طالتني تعليقات وكراهية محبيتهاش، أنا تعبت جدا عشان أوصل للنقطة دي، وحسيت إن أنا أتظلمت، وعايز أقولهم أنا بحبكم وسعيت لكم كتير، بس مستاهلش منكم”

عمر كمال يدعم مستشفى 57357

جدير بالذكر، أن خرج عمر كمال لـ دعم مستشفى 57357، وذلك بعد أزمتها التي تمر بها من تهديد بالغلق وعدم استقبال حالات جديدة بسبب نقص التبرعات القائمة عليها، وقال عمر كمال في فيديو نشره عبر موقع انستجرام: أنا شوفت مباردة الفنان عمرو يوسف عن مستشفى 57357، أنا مكنتش أعرف ان المستشفى لقدر الله تتقفل أو تفلس وميكنش عندها قدرة انها تعالج الناس، وأنا عارف إن الدنيا مزنقة علينا كلنا وممكن يكون معاك فلوس وبردو الدنيا تزنق عليا،  أنا واحد من الناس اللي قررت أروح أفرح الأطفال اللي هناك واللي ربنا يقدرني عليه هتبرع بيه وإن شاءالله ربنا يجعلنا سند لبعض وياريت كل الفنانين زملائي يعملوا كدة لأن البلد دي خيرها علينا كلنا ودي كمان حاجة لله، وشكرا للفنان عمرو يوسف اللي نبهنا لـ حاجة زي دي”.