أحمد سعد: شخصيتي قوية في البيت وبقيت بختار أغاني قريبة من الناس والخلفة عملتلي طفرة كبيرة

حل الفنان أحمد سعد ضيف على برنامج "الحكاية"، الذي يقدمه الاعلامي عمرو أديب على قناة mbc مصر، والذي كشف خلاله العديد من التصريحات.

تحيا مصر يرصد في ذلك التقرير تصريحات أحمد سعد في الحكاية

قال أحمد سعد خلال البرنامج:  مراتي اسمها عاليا وبنتي اسمها عاليا بس أنا شخصيتي قوية في البيت، ودا عشان لما أنادي ييجوا الاتنين.. وابني أحمد على اسمي عشان مانكترش الأسامي.

أحمد سعد يكشف سر نجاحه

وعن سر نجاحه قال أحمد سعد: بقيت اختار أغاني سهلة وأغنيها حلو، أغاني قريبة للناس، ومن الذوق ويقدر يغنيها أي حد، زي أغنية وسع وسع، وبقيت أقابل أطفال صغيرين بيغنوها، ودا كان لاني مرتاح في البيت والظروف مناسبة لشغلي والحاجات اللي بقدمها، وبعدين خلفت بقى واللي حصل ده كله رزقها، وهي الطفرة في حياتي كلها.

وأضاف أحمد سعد: بحاول أعمل حاجات لذيذة الناس تعرف تغنيها معايا.. وحسيت بده في حفلتي بموسم الرياض وفي ميدل بيست كان فيه كوريين بيغنوا معايا وسع وسع.

اخر أعمال أحمد سعد

ويذكر، أن آخر أعمال الفنان أحمد سعد طرحه لأغنية وقت الشدة، التي أتت كلماتها: خانتك سابتك وفي وقت الشدة باعتك قارنتك بصاحبتها ولما الفرصة جاتلها بقلشتك راحت للي عنده ڤيلا أصله فاتح مصنع نوتيلا إنت ما حلتكش غير فانلة وهتفضل مسكهالك ذلة حبيت تعيش حياة الناس سهرة برة وخمرة في كاس غلبها الشيطان الوسواس وإنت يا عيني قاعد محتاس بتفكر فيها ليل ونهار وهي بتسرح في القمار كنت مفكرها لابسه خمار لا فوق من وهمك ده إنت حمار طب ما إنت ساحل ياض في العيشة غرقان بتفكر في التحويشة ما تفكك منها بقى ويلا إدخل نام وشد الفيشة أنسى إزاي بس يا زميلي كانت طيبتي وكل حنيني أنسى إزاي بس يا زميلي كانت طيبتي وكل حنيني معرفش ليه دار الزمان جت عليا بنار تكويني معرفش ليه دار الزمان جت عليا بنار تكويني كنت شايلها فوق الراس مهمنيش كلام الناس كنت شايلها فوق الراس مهمنيش كلام الناس عملت فوق طاقتي ومقدرتي ماكانش جزائي غير المداس عملت فوق طاقتي ومقدرتي ماكانش جزائي غير المداس ماكانش جزائي غير المداس لا عندك شقة ولا ڤيلا ولا حتى معاك علبة نوتيلا مفيش غير بوكسر والفانلة ما إحنا في زمان مسموح فيه القلة فرده شراب واحدة على الحبل وهي كل يوم في إسطبل ما تفوق لنفسك بقي من الذل ماهي لسه نازله من على التل إفكس نفض للموضوع خرج همك للموجوع إدعي يا صاحبي إنت المسموع إلغي وإشطبها من الرجوع هتجيلك الفرصة مرة واحدة ما تفكرش تحب جاحدة قلبها من الحجر مصنوع نصيبك برضه دايماً أحلى.