محمد رمضان عن أزمته مع الطيار: اتفاجأت زي الجمهور بالإيقاف.. وحاولت أحل

تحدث الفنان محمد رمضان عن أزمته مع الطيار وذلك خلال لقائه ببرنامج معكم عبر شاشة قناة سي بي سي. 

تحيا مصر يرصد لكم تصريحات محمد رمضان في معكم

وقال محمد رمضان: انا زعلان اني تسببت في شئ قاسي عليه وسعيد ان في هذا الجمع ان يترحمله النهارده، وانا بعترف ان كتير بنتعلم من إدارة أزماتنا. 

وتابع: واتفاجأت زيي زي الجمهور بالإيقاف عشان ممثل اتصور جوا، وكنت اتمنى يكون القرار مخفف شوية وانا كنت جاهز وحاولت بكل الطرق احل الموضوع قبل ما يبقى قضية رأي عام ومحصلش نصيب في حله. 

محمد رمضان عن اكتشاف موهبته 

وكشف  محمد رمضان في الحلقة ذاتها عن تفاصيل بداياته الفنية ومن الشخص الذي اكتشف موهبته، وقال: معرفش واخد التمثيل منين، ولما دخلت المعهد عرفت ان لازم يكون في ذاكرة انفعالية بتخزن مشاهد وبتطلع بشكل تلقائي، وفاكر اني كنت بلقط حاجات كتير وامي لمست من وانا صغير ان ابني عنده حاجة غريبة عشان بيلقط حاجات كتير وبيعملها لقرايبه وصحابه.

وتابع: أمي كانت شغلها تفصيل ملابس وكان بيجيلها البيت ستات كتير وطول اليوم بسمع قصص بتضحكني او حاجات تعيطني عشان البيت كان 70 متر، والمنطقة شكلت فيا كتير عشان فلسفة البيئة والصعنة.

محمد رمضان: خدت افضل موهوب في اولى ثانوي

وعن قصة قهوة بعرة، قال محمد رمضان: لما خدت افضل موهوب في اولى ثانوي، وكان طموحي سريع وقولت مسرح المدرسة مش مكاني وروحت لمخرج مسرح المدرسة وقولولته عايز اشوف المخرجين اللي بجد، قالي انزل وسط البلد. 

واستكمل رمضان كلامه: وانا خدت منه الكلمة وكنت فاكر انها حتة صغيرها فيها الوسط الفني، وبعد المدرسة سألت واحد راح شاخط فيا، وكنت فاكر لما انزل هلاقي حسين فهمي بيعدي الطريق. 

وأردف رمضان: وبدأت ادخل عمارة عمارة واسأل في مخرج او منتج هنا ودخلتها عمارة عمارة، ومرة طلعت لاقيت مخرج شرايط كاسيت قولت احنا ولاد عم وسألته وقالي روح هنا وهنا.