محمد رمضان: كان بيبقى في ايدي كوز الدرة واتخيله اوسكار

كشف الفنان محمد رمضان عن تفاصيل بداياته الفنية ومن الشخص الذي اكتشف موهبته، وذلك خلال لقائه ببرنامج معكم منى الشاذلي عبر شاشة قناة سي بي سي.

تحيا مصر يرصد لكم بدايات محمد رمضان في مجال التمثيل

وقال محمد رمضان: معرفش واخد التمثيل منين، ولما دخلت المعهد عرفت ان لازم يكون في ذاكرة انفعالية بتخزن مشاهد وبتطلع بشكل تلقائي، وفاكر اني كنت بلقط حاجات كتير وامي لمست من وانا صغير ان ابني عنده حاجة غريبة عشان بيلقط حاجات كتير وبيعملها لقرايبه وصحابه.

وتابع: أمي كانت شغلها تفصيل ملابس وكان بيجيلها البيت ستات كتير وطول اليوم بسمع قصص بتضحكني او حاجات تعيطني عشان البيت كان 70 متر، والمنطقة شكلت فيا كتير عشان فلسفة البيئة والصعنة.

محمد رمضان: خدت افضل موهوب في اولى ثانوي

وعن قصة قهوة بعرة، قال محمد رمضان: لما خدت افضل موهوب في اولى ثانوي، وكان طموحي سريع وقولت مسرح المدرسة مش مكاني وروحت لمخرج مسرح المدرسة وقولولته عايز اشوف المخرجين اللي بجد، قالي انزل وسط البلد. 

واستكمل رمضان كلامه: وانا خدت منه الكلمة وكنت فاكر انها حتة صغيرها فيها الوسط الفني، وبعد المدرسة سألت واحد راح شاخط فيا، وكنت فاكر لما انزل هلاقي حسين فهمي بيعدي الطريق. 

وأردف رمضان: وبدأت ادخل عمارة عمارة واسأل في مخرج او منتج هنا ودخلتها عمارة عمارة، ومرة طلعت لاقيت مخرج شرايط كاسيت قولت احنا ولاد عم وسألته وقالي روح هنا وهنا.

محمد رمضان: كان بيبقى في ايدي كوز الدرة واتخيله اوسكار

وعن يقينه بالوصول إلى حلمه، قال: كنت مستعجل ومصدق وعلى يقين اني في يوم من الأيام هبقى قاعد في برنامج بحكي كل المعاناة، والقعدة دي تخيلتها وأنا قاعد على رصيف ومستني منتج في الشارع واتخيل اني نجحت وكنت مصدقة جدًا وازعل جدًا لما كنت بقدم نفسي وموهبتي لشخص ويعاملني وحش، وكنت بقول لاي حد انت لو شغلتني انا هفيدك.

محمد رمضان وأزمته مع الطيار 

وقال محمد رمضان: انا زعلان اني تسببت في شئ قاسي عليه وسعيد ان في هذا الجمع ان يترحمله النهارده، وانا بعترف ان كتير بنتعلم من إدارة أزماتنا.