محمد رمضان عن ملابسه الغريبة: محمود قالي لا تبقى أخويا ولا أعرفك بسبب بدلة

تحدث الفنان محمد رمضان عن ملابسه الغريبة التي يظهر بها في بعض الحفلات والمؤتمرات، وذلك خلال سهرته الخاصة مع منى الشاذلي.

تحيا مصر يرصد لكم تصريحات محمد رمضان عن ملابسه 

وقال محمد رمضان: اللبس ده مش في الحقيقة، ده على الاستيدج والحفلات بتتطلب ده عشان يبقى في بهرجة وشو وأنا في الحقيقة بلبس بسيط.

وتابع: لبسي شبه كل الشباب، ومعايا تيم واشتغلت مع استايلستس كتير، وفي مثل بيقول كل ما يعجبك والبس ما يعجب الناس، ولما مثلا بروح افريقيا بيلبسني استايلست نيجيري، ولو في المغرب يبقى الاستايلست مغربي، وبيحصل اختلاط ساعات.. ولو في امريكا هلبس باستايلهم هناك عشان ميبانش في فجوة.

محمد رمضان: أخويا قالي لا تبقى أخويا ولا أعرفك بسبب بدلة

وعن موقف جمعه بشقيقه محمود رمضان بسبب الملابس الغريبة، قال: اغرب حاجة لبستها كان عندي مؤتمر وفيه افارقة كتير وقولت للستايلست عايز لبس يحسس إن الافارقة انا منهم.. عملي بدلة تجار الألماظ بتاعت السنغاليين ومحمود رمضان قالي لو لبستها هتبقى انت لا اخويا ولا اعرفك.

وتابع: بس روحت ومحمود مش قادر يشوفني طول الايفنت، وبيبقى في استراتيجي الجمهور ميفهمهاش.

أزمة محمد رمضان بسبب مسلسل العمدة 

ومن ناحية أخرى، يحرص محمد رمضان دائما على مشاركة الجمهور كواليس تصويره للعمل بجانب باقي الأبطال، لكنه سبق وتعرض للهجوم في الفترة الأخيرة بسبب أحد الفيديوهات الذي شاركها على حساباته الرسمية بمواقع التواصل الإجتماعي المختلفة، اذ ظهر خلاله وهو يضرب الكومبارس، وعلق محمد رمضان على الفيديو قائلا: جعفر العمدة بيصبح و بيقولكم رمضان يجمعنا و العمدة يدلعنا وعلى رأي صاحب الحساب ثقة في الله نجاح.

لتأتي تعليقات الجمهور على الفيديو: "بتقل من كرامه الكومبارس كده حرام تنزل حاجه زى كدا مبنفعش تنزل حاجه زى كدا وشكل الراجل قدام عيلته ايه وبتتباه اوى ونتا منزل الفيديو، وذنبه اي الممثل او الكومبارس انه يحصل فيه كده ودي غلطتنا احنا عشان واحد بيحارب وبيحاول يوصل ل ٢٠٠ جنيه بعد سحله ومعامله مكاتب كاستنج واخر قله قيمه تحت مسمي السعي".