هلا رشدي تبدأ العام الجديد بالعمرة: بداية بإذن المولى مليانة خير

شاركت الفنانة هلا رشدي صور لها من أداء مناسك العمرة برفقة زوجها احتفالًا بالعام الجديد، وذلك عبر حساباتها الرسمية بمواقع التواصل الإجتماعي. 

تحيا مصر يرصد لكم أخر منشورات هلا رشدي 

هلا رشدي: بداية جديدة وسنة هتبقى خفيفة 

وعلقت هلا على الصورة: بداية جديدة مع سنه جديده هتبقى بإذن المولى خفيفة، طيبه، مليانه خير وفرج وسعاده. 

وتابعت: دعيتلكم ربنا يجبر فيها بخاطر كل مكسور.. ويقرب منه كل بعيد، ويرضى عنكم و يرضيكم و يوسع أرزاقكم من حيث لا تحتسبوا و يبدل أحوالكم إلى أحسن حال ويحقق أحلامكم.. فاللهم تقبل.

هلا رشدي تتحدث عن كرة القدم 

ويذكر، أن شاركت هلا رشدي الجمهور رأيها في كرة القدم، معربة عن انزعاجها من انتهاء منافسة كأس العالم 2022، متسائلة عما سيفعله الجمهور بعد ذلك.

وكتب هلا رشدي عبر حسابها الرسمي بموقع التواصل الاجتماعي "فيسبوك": إيه المتعه اللي كانت في الحياة قبل كأس العالم؟؟.. أنا اتضحلي إن مفيش حاجه بتجمع الناس وتجمع الكل قدام التليفزيون في البيوت والقهاوي، وتفرحهم قد الشيء الصغير اللي بيجري ومفرهد وراه ٢٢ لعيب ده، مع كثير من الاحضان والفرحة والحماس والصوت اللي في نفس واحد يا إما تشجيع يا إما العكس والكل بيسأل بعض في الشوارع ها هتشجع مين و تتفتح مواضيع قد كده والناس تتعرف على بعض، والبهجه بتبظ في كل حتة.. حاجه تفتح النفس يا شيخ.

هلا رشدي ومواقفها مع نجلها 

من ناحية أخرى، حرصت هلا رشدي على مشاركة الجمهور بموقف جمعها مع نجلها الصغير، إذ قالت: معز امبارح واحنا مروَّحين من بيت صاحبتي، حصل موقف فـ فِضِل يزعق ويتنرفز قدام صاحبتي وولادها، ولأاا بِـ عِلو صوته، وانا أبصله ومحترماه قدامهم وبرد عليه بكل هدوء، وهوه مكمِّل..خرجنا من بيتها و عينه ومشيتُه كلها علامات انتصار إنه عمل فيها بلطجي وزعق وانا سكت.. مع إن في الآخر كلامي هوه اللي اتنفذ، لكن الاحساس واضح انه كان حلو، أول ما ركبنا العربيه قولتله بكل هدوء: بص يا معز، لو على الزعيق يا حبيبي..فأنا ممكن “وبصوت مشجع في آخر الاستاد عايز يسمع صوته لـ اللعيبه” أزعااق..فضل باصصلي و هوه مرعوب و بيعيط، كان صعبان عليا جدا وقلبي واجعني، بعدها رجعت بصوت هادي تاني وقولتله: شوفت انت خوفت ازاي؟  اللي بيزعق بيبقى عامل زي الوحش فبيبقى مخيف، فالناس بتسمع كلامه مش عشان مقتنعه بيه أو بتحترمه، لأ..عشان خايفين منه..تحب تعيش مخيف ولسانك سابق دماغك، ولَّا راجل محترم بيفكر بعقله ويتناقش ويوصل لحل وسط بكل هدوء، وتجبر اللي قدامك يحترمك ويحبك؟؟ سِكت.