رانيا يوسف: الراجل عايزك محتجاله ماديا ولو جوزي بص لواحدة ممكن أقلب الطرابيزة فوق دماغه

وجهت الفنانة رانيا يوسف انتقادات كبيرة للرجل وذلك بعد 3 جوازت غير ناجحه ومشورعين لم يكتملوا حتى الأن، مشيرة إلى أنها لا تفكر في الجواز لعدم وجود شخص مناسب.

تحيا مصر يرصد في ذلك التقرير تصريحات رانيا يوسف عن الزواج والرجل

رانيا يوسف لـ ياسمين عز: اتجوزت 3 مرات ومش بلاقي النوعية اللي بتتكلمي عليها دي

قالت رانيا يوسف خلال حلولها ضيفة على برنامج كلام الناس، الذي تقدمه الإعلامية ياسمين عز على قناة mbc مصر: الجواز سهل ولكن المشكلة هتجوز مين؟ مين هيفهم ظروف حياتي؟.

ووجهت حديثها لـ ياسمين عز، قائلة: النوعية اللي بتتكلمي عليها من الرجالة بتجبيها منين، أنا 3 جوازات و2 موضوع جواز ملقتش فيهم النوعية اللي بتتكلمي فيها دي.

رانيا يوسف: الراجل بيخاف الست تكون ناجحة ومحبوبة أكتر منه

وتابعت رانيا يوسف، موجهة انتقادات للرجل: الراجل الحلو ديما من برة لكن في الحياة والمسؤوليات موضوع مختلف خالص وكل المميزات اللي بتقوليها دي يتكون عيب بعض كدة، الراجل بيخاف من إنك تكوني أنجح منه ومحبوبة عنه،  عايز يحس إنك محتاجاله مادية، مع أن إحنا بنكون محتاجنله عاطفية ويكون سند.

وتابعت: الراجل بيفتكر إن الصوت الواطي والأدب ضعف مني وبيتفاجئ بلطشة قلم على وشه بإننا هنتطلق ودلوقتي، أنا بعدي مرة وبنبه وخلي بالك كدة أوفر وبمنتهى الأدب وبيفتكر إني هعدي وبعدها بيتفاجيء إننا هنطلق،  أنا ممكن أسامح مرة والستات صعب إنها تسيب بسهولة، الجوازة الأولى كان فيه رصيد أطفال والتانية كان في رصيد عمر، الجوازة التانية كانت 4 شهور مكنش ليه عندي نصيب.

وأضافت: بنتي في أول جوازة هي اللي فوقتني قالتلي إنتي بقالك كتير مبشوفكيش بتضحكي.

رانيا يوسف: الطلاق بيوجع الواحدة وبتلجأ انها تبين إنها عادية عشان متحسسش الراجل بكسرتها

وتطرقت رانيا يوسف بحديثها عن الطلاق وشعور المرأة والرجل بعد الطلاق، فقالت: الست أما بتطلق بتكون جواها مش عادي بس الصور وكدة دي الحيلة اللي بنلجألها أما احب أبين إنه عادي، إحنا أما بنربي قطة وبتروح منك بتتوجعي والانفصال مش بيكون سهل على الراجل والست، الراجل بيبين إنه عادي بس بيتوجع بعد فترة إنما الست بتكون موجوعة وبتبين إنها كويسة.

واختتمت: أنا مليش مواصفات ولا طلبات في الراجل اللي هتجوزه دي مش حسبة، هو اول ما يتمتلك قلبك بيكون عايز يسوق الدفة، لكن إحنا بنسوقها مع بعض وهو مش حاسس.

وعن الخيانة، قالت رانيا يوسف: مفوتش البصة وممكن أقلب الطرابيزة فوق دماغه ولو حصلت.. هو عنده مشاعر وأنا عنجي كريم شانتيه يعني، هعوره عينه لأن فيه بصات توجع.