رانيا يوسف: أنا أقل واحدة بتلبس ماركات.. وبشتغل على جسمي فأقل حاجة بلبسها بتبان حلوة

كشفت الفنانة رانيا يوسف عن سبب تصدرها التريند بشكل متواصل بسبب ملابسها، وسبب مشاركتها الجمهور صورها بملابس مثيرة، مشيرة إلى أنها تحب الجمال والاهتمام بشكلها ومظهرها.

تحيا مصر يرصد في ذلك التقرير تصريحات رانيا يوسف في برنامج كلام الناس

رانيا يوسف: بخاف من الحسد والناس بتركز في لبسي أكتر من شغلي

قالت رانيا يوسف خلال برنامج كلام الناس المذاع على قناة mbc مصر وتقدمه الإعلامية ياسمين عز: بخاف من الحسد ونجمي خفيف لأن أقل حاجة بعملها الناس بتكون مركزة معايا، وهي ميزة إن الناس طول الوقت تكون حريصة إنها تشوفك وتتابع أخباري، بس الناس مش بتركز على شغلي قد ما بيركزو على إن بلبس ايه.

وتابعت: مقتنعة بمقولة القالب غالب وإحنا لازم نكون مهتمين بلبسنا وجسمنا عشان إحنا قدوة للناس.

رانيا يوسف: مش بلبس ماركات وطول عمري بلبس شورت ومايو

ووجهت رانيا يوسف رسالة لمنتقدي إطلالتها الجريئة، فقالت: طول عمري بلبس مايو وشورت.. أنا مبتغيرش عشان أراضي حد إنت مش عاجبك رانيا متتابعنيش، أنا أقل واحدة بلبس ماركات وأنا بشتغل على جسمي وشكلي فأقل حاجة بلبسها بتبان حلو، وممكن أهتم بالمركات بس في المهرجانات.

واختتمت: أنا ست بحب الجمال في الرجالة والستات وبتعلم من البنات الشباب استياليتهم الجديدة.

أخر أعمال رانيا يوسف

من ناحية أخرى، تعد أخر أعمال الفنانة رانيا يوسف مشاركتها في مسلسل “الأنسة فرح”، الموسم الثالث، والتي شاركت بها إلى جانب كلا من النجوم أسماء أبو زيد، أحمد مجدي، مريم الخشت، محمد كيلاني، هبة عبدالعزيز، وتأليف: محمود عزت، وإخراج بسنت الشافعي، ويتحدث المسلسل حول إستعداد فرح، لزواجها من شادي، ولكن سرعان ما تواجه سلسلة من المفاجآت تجبرها على التأقلم مع واقعها الجديد، وعرض من العمل ما يقرب من 5 اجزاء مكملة كل منهما للآخر، وحققت من خلاله نجاحا كبيرا.

كما عرض لها أيضا مسلسل المماليك بجانب كلا من النجوم رامي وحيد وبيومي فؤاد، محمد لطفي، وعائشة عثمان ومحمد سليمان وفيدرا ودوللي شاهين وعمر حسن يوسف، والعمل من تأليف هشام هلال، وإخراج حازم فودة، وحقق العمل نجاحات ساحقة خلال فترة عرضه قبل الموسم الرمضاني هذا العام.